Австрали Улсад ган болж, ойн түймэр гарч, бүтээн байгуулалтын зорилгоор ногоон байгууламж, ой модыг сүйтгэсний улмаас коала баавгайн тоо толгой буурчээ. Энэ талаар тус улсын Коала баавгай хамгаалах сангийн мэдээлснээр “Өнгөрсөн гурван жилийн хугацаанд коала баавгайн тоо толгой 30 орчим хувиар буурсан” байна.

2018 онд Австрали даяар коала баавгай тоо толгой 80 мянга гаруй байсан бол энэ оны эхний хагасын байдлаар 58 мянга орчим болж, цөөрсөн аж. Сүүлчийн гурван жилд Австрали Улсын аль бүс нутагт коала баавгай тоо толгой өссөн үзүүлэлт гараагүй бөгөөд Өмнөд Уэльс мужид тоо толгой нь хамгийн их буюу 41 хувиар буурсан байгаа юм.

Эх сурвалж: CNN