Олон Улсын Олимпын Хорооны Ерөнхийлөгч Томас Бах БНАСАУ-ыг “Бээжин-2022” өвлийн олимпоос түдгэлзүүлж байгаа талаар албан ёсны мэдэгдэл хийлээ. Тэрбээр “БНАСАУ-ын Олимпын хорооноос урьд өмнөх арга хэмжээнүүдэд цар тахалтай холбоотой гэх шалтгаанаар оролцоогүй. Ингэхдээ ОУОХ-ноос хуваарилсан хэдэн сая ам.долларыг нуун дарагдуулсан. Тийм учраас БНАСАУ-ыг ирэх “Бээжин-2022” өвлийн олимпоос түдгэлзүүлж, Олимпын хорооноос нь зохих ёстой мөнгийг хураан авах болно” гэж мэдэгдсэн байна.

ОУОХ-ны Гүйцэтгэх зөвлөлийн шийдвэрийн дагуу БНАСАУ-ын Олимпын хорооны санхүүжилт, хөтөлбөрүүдийг 2022 он дуустал зогсоож, “Бээжин-2022” өвлийн олимпод баг, тамирчдыг нь хүлээж авахгүй юм. БНАСАУ нь ОУОХ-ны 206 гишүүн орноос ганцаараа “Токио-2020” зуны олимпын наадмыг өнжсөн нь Олимпын хартийн 27.3-т заасан “ҮОХ нь олимпын наадамд баг, тамирчдаа оролцуулах үүрэгтэй” гэсэн заалтыг зөрчсөн аж.

Эх сурвалж: The Guardian