Япон Улсын нийслэл Токио хотод зуны XVI паралимпын наадмыг зохион байгуулж байгаа. Паралимпад оролцож байгаа тамирчдыг тамирчдын хотхоноос автомат жолоодлого тээврийн хэрэгслээр зөөж, тэмцээнийг нь зохион байгуулах ордон хүргэж байгаа юм. Тэгвэл “Тоёота Моторс” компанийн автомат жолоодлоготой “e-Palette” автобусанд харааны бэрхшээлтэй паралимпын тамирчин мөргүүлжээ.

Тодруулбал, паралимпын жүдо бөхийн тамирчин Аримицү Китазоно өчигдөр буюу наймдугаар сарын 27-ны өдөр тамирчдын тосгоны уулзвараас баруун эргэж, явган хүний гарцаар гарч байхад нь автобус мөргөсөн байна. Холбогдох байгууллагын албан ёсны мэдэгдэлд “Осол болох үед “e-Palette” автобус 1-2 километр/цагийн хурдтай явж байсан” гэжээ.

Ослын улмаас Аримицү Китазоно өнөөдөр болох барилдаандаа оролцож чадалгүй паралимпаа өндөрлүүлж байна. Тэгвэл “e-Palette” автобусыг үйлдвэрлэгч “Тоёота Моторс” компаниас “Бид ослын шалтгааныг нарийвчлан судалж, цаашид дахин осол гарахаас сэргийлэхийн тулд Токиогийн олимп, паралимпын наадмын зохион байгуулах хороотой хамтран ажиллах болно” гэж мэдэгдээд байгаа юм

Эх сурвалж: Japan Times