Дэлхийн банк Исламын Бүгд Найрамдах Афганистан Улсад үзүүлэх санхүүгийн тусламжаа зогсоожээ. Энэ талаар Дэлхийн банкны хэвлэлийн төлөөлөгч “Бид үйл ажиллагаа, нөхцөл байдлыг дотоод бодлого, журмын дагуу сайтар хянаж, үнэлгээ хийж байгаа. Талибан хөдөлгөөн төрийн эрх барьж байгаа энэ үед Афганистан Улсын хөгжлийн хэтийн төлөв, эмэгтэйчүүдийн эрх ашгийн төлөө тусламжаа зогсоолоо” гэж мэдэгдсэн байна.

Өнгөрсөн долоо хоногт Афганистан Улсын төв банкинд хадгалагдаж байгаа 9.5 тэрбум ам.долларын хөрөнгийг царцаасан. Мөн Олон улсын валютын сангаас Афганистанд хуваарилсан санхүүгийн тусламжаа АНУ-ын шахалтаар зогсоосон нь Исламын Бүгд Найрамдах Афганистан Улсын санхүүгийн ирээдүйд хүчтэй цохилт болж байгааг олон улсын эдийн засагчид онцолж байна.

Эх сурвалж: Politico