Исламын Бүгд Найрамдах Афганистан Улсад өрнөж байгаа үйл явдалтай холбоотойгоор тус улсын тамирчид Япон Улсын Токио хотод зохион байгуулж байгаа 16 дахь удаагийн паралимпын наадамд оролцох боломжгүй болжээ.

Тодруулбал, Афганистан Улсыг төлөөлж, ээлжит паралимпын наадамд таеквондогийн тамирчин Закия Худадади, хөнгөн атлетикийн тамирчин Хоосайн Расули нар оролцох байсан юм. Паралимпын хоёр тамирчинг оролцох боломжгүй болсон талаар Олон улсын паралимпын хорооноос мэдээлжээ. Олон улсын паралимпын хороо “Афганистанд болж байгаа дайн, үймээн самууны үед хоёр тамирчин Токио руу явах ямар ч боломжгүй боллоо” гэсэн байна.