Их Британийн Засгийн газар хуралдаж, ойрын жилүүдэд ИБНАУ-ас 20 мянган дүрвэгч хүлээн авахаар шийдвэрлэжээ. Уг шийдвэрийн хүрээнд эхний жилд онцгой анхаарал хандуулах шаардлагатай буюу эмэгтэйчүүд, хүүхдүүд зэрэг 5000 дүрвэгчийг хүлээн авах юм.

          Түүнчлэн дүрвэгч хүлээн авах төлөвлөгөөний талаар Их Британийн Ерөнхий сайд Борис Жонсон өчигдөр буюу наймдугаар сарын 17-нд АНУ-ын Ерөнхийлөгч Жо Байдентэй холбогдсон байна. Энэ тухай “Даунин Стрит”-ээс гаргасан албан мэдээнд “Өнгөрсөн 20 жилийн хугацаанд Афганистанд олж авсан байр сууриа алдахгүй байх, терроризмийн шинэ аюулаас улс орноо хамгаалах, Афганистаны ард иргэдэд үргэлжлүүлэн дэмжлэг үзүүлэхийн ач холбогдлыг Ерөнхий сайд энэ үеэр илэрхийллээ” гэжээ.

Их Британийн Ерөнхий сайд Борис Жонсон өнөөдөр Афганистаны нөхцөл байдалтай холбоотойгоор парламентын нийтийн танхимд хэлэлцүүлэг зохион байгуулж байгаа юм байна.

Эх сурвалж: BBC