АНУ-ын Ерөнхийлөгч Жо Байдены засаг захиргаа Афганистан руу цэргийн хүч оруулах гэж байгаа талаар тус улсын нэр бүхий цэргийн албан тушаалтнууд мэдээлжээ. Ингэхдээ Жо Байдены засаг захиргаа 3000 тэнгисийн цэргийг Афганистан руу оруулж, нийслэл Кабул хот руу 4000  цэрэг оруулж, АНУ-ын Элчин сайдын яам болон Америк иргэдийг нүүлгэн шилжүүлэх гэж байгаа гэнэ.

АНУ-ын Тагнуулын албаны эх сурвалж, “Талибууд 90 хоногийн дотор нийслэл Кабул хотыг эзэлж, ялалт байгуулна” гэж мэдээлж байсан. Уг тооцоололтой холбоотойгоор цэргээ Афганистан руу оруулж, иргэдээ татаж авах төлөвлөгөө эхлүүлсэн ч Кабул дахь нөхцөл байдал Талибан хөдөлгөөний ялалттай холбоотойгоор цэргээ байж болох хамгийн хурдан хугацаанд Афганистан руу оруулах талаар АНУ-ын Төрийн департаментын хэвлэлийн төлөөлөгч Нед Прайс мэдээлсэн байна.

Одоогийн байдлаар АНУ-ын талын төлөөлөгчид Талибан хөдөлгөөнөөс Афганистаны Засгийн газрыг гартаа авч, гаднын орны тусламж авахыг хүсэж байвал Кабул дахь АНУ-ын Элчин сайдын яам руу халдахгүй байх баталгаа гаргах өгөх оролдлого хийж байгаа аж.

Эх сурвалж: New York Times