Узбекистан Улсын агаарын хилээр хууль бусаар нэвтэрсэн Афганистаны нисэх онгоцыг сөнөөсөн талаар Узбекистан Улсын эрх баригчид мэдээллээ. Узбекистан Улсын Батлан хамгаалах яамнаас уг нисэх онгоцын талаарх мэдээллийг судалж байгаа бөгөөд “Афганистаны цэргийн онгоц Узбекистаны агаарын хилийг хууль бусаар нэвтэрсэн тул болзошгүй аюулаас сэргийлсэн” хэмээн мэдэгдсэн байна. Сөнөсөн онгоц ямар төрлийн онгоц байсан, дотор нь хэдэн зорчигч байсан нь тодорхойгүй байгаа юм.

          Өнгөрсөн ням гарагт Афганистаны 84 цэргийн алба хаагч Узбекистан Улсын газрын хилээр нэвтэрч, тус улсын Гадаад харилцааны яамд хандаж, тусламж хүсжээ. Узбекистан Улсын Гадаад харилцааны яамнаас аврал эрж, хилээр нь нэвтэрсэн шархадсан цэргүүдийг түр байранд амрааж, хоол хүнсээр хангасан аж.

Эх сурвалж: ABC News