Исламын Бүгд Найрамдах Афганистан Улсын Засгийн газар, улстөрийн бодлогыг эсэргүүцсэн Талибан хөдөлгөөнийхөн өнгөрсөн ням гарагт Афганистаны нийслэл Кабул хотыг эзэлсэн. Талибан хөдөлгөөнийхөн нийслэл Кабул хотыг эзэлсний дараа Афганистанаас дүрвэх иргэдийн тоо эрс нэмэгдсэн тул Кабулаас гадаад орон руу нисэх бүх нислэгийг цуцалжээ.

          Тэгвэл зарим гадаад орон руу нисэх тусгай нислэгэд суух, эх орноо дүрвэх гэсэн иргэд нисэх онгоц руу хүчээр нэвтрэх гэсэн тохиолдол их гарчээ. Одоогоос нэг цагийн өмнө буюу Монголын цагаар наймдугаар сарын 16-ны 18:00 цагийн үед Афганистаны нийслэл Кабул хотын Хамид Карзай олон улсын нисэх онгоцны буудлаас хөөрсөн онгоцноос хоёр хүн унажээ. Албаны мэргэжилтний мэдээлснээр “Ойролцоох нутагт оршин суух бүртгэлтэй гурван хүн нисэх онгоцны дугуй тэвэрч явсаар хоёр нь унасан” гэсэн юм. Харин Кабул хотын нисэх онгоцны буудалд байсан иргэд “Онгоцноос унасан хүмүүс газарт унахдаа маш аймшигтай чанга чимээ гаргасан” хэмээн “Асвака” телевизэд ярилцлага өгсөн байна.

Эх сурвалж: India News