Талибан бүлэглэл өнгөрсөн амралтын өдөр Афганистан Улсын хойд хэсэгт орших Кундуз, Сар-э-Пул, Талокан хотыг эзэлжээ. Мөн Талибанчуудын удирдлагад орсон хотуудаас Кундуз нь стратегийн ашигтай байрлалд байдаг бөгөөд эрдэс баялаг арвинтай, бусад хотуудтай авто замаар холбогдсон байдаг талаар албаныхан мэдэгдсэн байна.

          Өнгөрсөн тавдугаар сараас эхлэн Афганистанаас НАТО, АНУ, Их Британи зэрэг орон цэргийн хүчээ татаж эхэлснээс хойш Талибан довтолгоогоо эрчимжүүлсэн. Өмнө нь ихэвчлэн Афганистаны захын жижиг хороолол, дүүрэг хяналт тогтоогоод байсан Талибан бүлэглэл одоогийн байдлаар нийт таван мужид хязгаарлалт тогтоогоод байгаа гэнэ. Үүнтэй холбоотойгоор Афганистаны Засгийн газраас “350 мянган зэвсэглэсэн цэрэгтэй арми тулааны хүчээ харуулах цаг боллоо” гэж мэдэгдсэн юм.

Эх сурвалж: BBC