БНХАУ-ын Ухань хотод өнгөрсөн өдрүүдэд шинэ коронавирусийн батлагдсан тохиолдол олноор илэрч, дельта хувилбар тархаж байгаатай холбоотойгоор тус хотын 11 сая иргэнийг дахин коронавирусийн шинжилгээнд хамруулахаар болжээ. Ухань хотод өнөөдөр буюу наймдугаар сарын 4-ний байдлаар нийт 50340 халдварын тохиолдол бүртгэгдэж, дельта мутациар өвчилсөн долоон хүнийг илрүүлээд байна.

          2020 оны зургадугаар сард Уханьд дотоодын коронавирусийн тохиолдол илэрснээс хойш өнгөрсөн сар хүртэл илрээгүй байсан юм. Улмаар хүн амын дунд халдвар алдахгүйн тулд Ухань хотын 11 сая иргэнээс коронавирусийн шинжилгээ авахаар болжээ.

          Ташрамд дурдахад, 2020 оны тавдугаар сард дотоод халдварын тохиолдол бүртгэгдэхэд Ухань хотын бүх оршин суугчийг 10 хоногийн дотор коронавирусийн шинжилгээнд хамруулж байсан юм.

Эх сурвалж: BBC