Энэтхэг Улсад анх илэрсэн “Ковид-19” цар тахлын дельта хувилбар АНУ-ын Флорида, Луизиана мужид их хэмжээгээр илрэх болжээ. Энэ талаар Луизиана мужийн Батон Руж дахь Лэйкийн бүс нутгийн анагаах ухааны төвийн эмнэлгийн ерөнхий эмч, доктор Кэтрин О'Нил Эдвардс "Цар тахлын цаг үеийн хамгийн харанхуй өдрүүд үргэлжилж байна. Бид өвчтөнүүддээ ч зохих тусламж үзүүлж чадахаа больсон” хэмээсэн байна.  

Луизиана мужийн эмнэлгийн байгууллага, тусгаарлах байрууд эмч, эмнэлгийн ажилтнуудын хомстолд орсон аж. Тус муж эмнэлгийн ажилтны 6000 хүний орон тооны дутагдалд байгаа гэнэ. Харин өнгөрсөн ням гарагийн байдлаар Флорида мужид 10 мянга гаруй хүн дельта мутациар өвчилж, эмнэлэгт хэвтэн эмчлүүлж байгаа юм.

Эх сурвалж: Reuters