Бутаны Хаант Улс гаднын орнуудын вакцины хандивын тусламжтайгаар долоо хоногийн дотор нийт насанд хүрсэн иргэдийнхээ 90 хувийг вакцинжуулсан талаар тус улсын Эрүүл мэндийн яамнаас мэдээлжээ. БХУ нь газар зүйн байршлын хувьд Энэтхэг, Хятад Улсын дунд байрлах бөгөөд 800 мянга орчим хүн амтай юм. НҮБ-ын Хүүхдийн сан энэ талаар “Цар тахлын цаг үед хамгийн хурдан бүх нийтийн дархлаажуулалтын кампанит ажлыг амжилттай хийж чадлаа” хэмээн мэдэгдсэн байна.

НҮБ-ын Хүүхдийн сангийн Бутаны төлөөлөгч Уилл Паркс “Энэ үйл явдал БХУ-ын хувьд маш агуу түүх болж үлдлээ. Харин цаашид илүү коронавирусийн эсрэг вакцинтай орнууд бусад оронд хандивлах хэрэгтэй байна. Дэлхийд хандив хэрэгтэй” гэжээ.

Бутаны Хаант Улсад өнөөдрийн байдлаар 2500 иргэн коронавирусийн халдвар авч, хоёр хүн нас барсан тоон мэдээлэл байна.

Эх сурвалж: Al Jazeera