32 дахь удаагийн “Токио-2020” зуны олимпын наадмын нээлтийн тоглолтод дрон ашиглаж, дэлхийн бөмбөрцөг, олимпын наадмын логог дүрсэлснийг олон улсын хэвлэлүүд онцолж байна. Тэгвэл уг үзүүлбэрийг хийхэд 1824 ширхэг Интел премиум дрон ашиглажээ.

Албаны хүний мэдэгдсэнээр “1824 дрон ашиглан 3D хэмжээсээр дэлхийн бөмбөрцөг, олимпын наадмын логог дүрсэлснээрээ эв нэгдэл, найрамдлыг илтгэсэн” гэж тайлбар хийсэн юм. Интел премиум дрон нь 340 грамм жинтэй, дөрвөн өнгийн лед гэрэлтэй бөгөөд GPS ашиглан байршлаа тогтоон хөдөлдөг байна.

Ташрамд дурдахад, “Токио-2020” наадмыг зохион байгуулагч Япон Улс дрон ашиглаж, 3D хэмжээст үзүүлбэр хийсэн нь олимпын наадмын түүхэн дэх анхны тохиолдол болж байгаа юм.

Эх сурвалж: Olympics