АНУ-ын Ерөнхийлөгч Жо Байден Цагаан ордонд Ирак Улсын Ерөнхий сайд Мустафа Аль Кадхимитэй уулзсан. Тэгвэл уг уулзалтын дараа АНУ-ын төрийн тэргүүн Жо Байден энэ оны сүүлчээр Иракаас цэргийн хүчээ татаж, авахаар болсон тухайгаа зарлажээ.

          2003 онд АНУ тэргүүтэй холбоотон орнууд олноор устгах зэвсэгтэй дарангуйлагч Саддам Хуссейнийг унагах зорилготой Иракийн дайныг эхлүүлсэн. Саддам Хуссейний дэглэм үгүй болсон ч Иракт шашин дундах дайн ширүүсч, Исламын улс бүлэглэл тэргүүтэй зэвсэгт бүлгүүдийн дайн эхэлсэн юм. Одоогийн байдлаар АНУ-ын 2500 гаруй цэрэг Иракийн нутаг дэвсгэрт байрлаж, Исламын улс зэвсэгт бүлэглэлтэй тэмцэхэд тусалж байна.

Эх сурвалж: USA Today