БНХАУ-д гурван хоногийн турш аадар бороо орж, үер, усны аюулд хүрсний улмаас 63 хүн амь эрсдэж, 13.9 тэрбум юанийн эдийн засгийн шууд хохирол учирчээ. Тэгвэл өнгөрсөн амралтын өдөр БНХАУ-ын зүүн нутгийг далайн шуурга дайрч, Шанхай хотын олон улсын нисэх буудал бүх нислэгээ цуцалж, иргэдийг гэрээсээ гарахгүй байхыг анхааруулсан байна.

Далайн шуурганы улмаас Шанхай хотод 1000 гаруй мод булгарч, салхинд хийссэн. Мөн Жясин, Цидун хотод хөрсний нуралт үүсээд байгаа юм. БНХАУ-ын Цаг уурын агентлагийн мэдээлснээр Ин-Фа гэж нэрлэсэн далайн шуурганы хурд секундэд 38 метр хүрчээ.

Эх сурвалж: Xinhuanet