Австрали Улсын Мельбурн, Брисбен хотод хөл хориог эсэргүүцэж, иргэд жагсаал зохион байгуулсан. Харин тус улсын аюулгүйн хүчнийхэн жагсагчдад хүч хэрэглэн баривчилсан байна. Австрали Улсын Засгийн газрын мэдээлснээр 57 хүнийг баривчилж, саатуулжээ.

“Жагсагчид амны хаалтаа тайлахыг нэгэндээ уриалж, халдвар хамгааллын дэглэмийг зөрчиж байгаа нь Австрали Улсад коронавирусийн халдварын өсөлтийг нэмэгдүүлэх магадлалтай” хэмээн эрх баригчид үзжээ. Өчигдөр буюу долдугаар сарын 24-ний өдөр тус улсад шинээр 163 хүнээс халдвар илэрсэн аж.

Эх сурвалж: BBC