“Токио-2020” 32 дахь удаагийн зуны олимпын наадам эхлэхэд хоёр хоногийн хугацаа үлдсэн. Тэгвэл тус наадмыг зохион байгуулах комиссын мэдээлснээр ээлжит олимпын наадамд оролцох 71 хүнээс коронавирусийн халдвар илэрсэн байна.

Батлагдсан 71 тохиолдлын 31 нь гаднын орноос ирсэн тамирчин, төлөөлөгч бол үлдсэн хэсэг нь наадмын зохион байгуулагч талын ажилтнуудаас илэрчээ. Судлаачдын анхааруулж байгаагаар коронавирусийн халдвар олимпын хотхоноос гарч, иргэдэд тархвал улсын хэмжээний томоохон аюул учруулж болзошгүй аж.

“Токио-2020” ээлжит зуны олимпын наадамд оролцож байгаа тамирчдын байрлаж байгаа олимпын хотхонд 11 мянган тамирчин, төлөөлөгч байгаа юм.

Эх сурвалж: Kyodo News