“Токио-2020” зуны олимпын наадмын ерөнхий ивээн тэтгэгч “Тоёота Моторс” корпораци ээлжит олимпын наадамтай холбоотой телевизийн сурталчилгааг ивээн тэтгэхээс татгалзжээ. Мөн “Тоёота Моторс” корпорацийн гүйцэтгэх захирал Тоёода Акио болон бусад удирдах албан тушаалтнууд зуны олимпын наадмын нээлтэд оролцохоос татгалзсан байна.

Холбогдох албаныхны мэдээлж байгаагаар “Тоёота Моторс” корпорацийн энэ үйлдэл нь иргэдийн зуны олимпын наадмыг эсэргүүцэж байгаатай холбоотой” гэсэн юм. Судалгаагаар нь нийт япончуудын гуравны хоёр нь “Токио-2020” олимпын наадмыг зохион байгуулахыг эсэргүүцсэн байжээ.

Үүнтэй холбоотойгоор Япон Улсын “Ракүтэн” компанийн гүйцэтгэх захирал хироши Микитани “Олимпын наадмыг зохион байгуулж байгаа нь амиа хорлож байгаагаас ялгаагүй. Улсын хэмжээний аюулгүй байдал, иргэдийн амь настай холбоотой энэ асуудалд нухацтай хандаж, болж өгвөл энэ удаагийн зуны олимпын наадмыг цуцлах нь хамгийн зөв сонголт болно” гэж байсан билээ.

Эх сурвалж: CNN