“Ройтерс” агентлагийн фото сэтгүүлч  Даниш Сиддики Пакистаны хилийн ойролцоо Афганистаны аюулгүйн хүчнийхэн болон Талибаны бүлэглэл хоорондын мөргөлдөөнийг сурвалжилж байхдаа амиа алджээ.

   Афганистаны цэргийн командлагчийн мэдээлснээр “Талибаны бүлэглэл дайрах үеэр Даниш Сиддики бүс нутгийн дэлгүүрийн эзэдтэй ярилцаж байсан. Мөргөлдөөний улмаас сэтгүүлч Даниш Сиддики болон аюулгүйн хүчний офицер амиа алдсан” байна.

  Даниш Сиддики нь 2018 онд “Рохинжагийн дүрвэгсдийн хямрал” баримтат бүтээлээрээ Пулитцерийн шагнал хүртсэн гэрэл зургийн багийн гишүүн юм. Тэрээр “Ройтерс” агентлагт 2010 оноос эхлэн ажиллаж, “Хонконгийн эсэргүүцэгчид”, “Афганистан, Иракийн дайн”, “Балба дахь газар хөдлөлт”, “Рохинжагийн дүрвэгсдийн хямрал” зэрэг сэтгүүл зүйн бүтээлүүдийг олон нийтэд хүргэжээ.

Б.БАДАМЗУЛ