Герман, Бельги Улсад орсон их хэмжээний борооны улмаас голын ус эргээсээ хальж, үерлэсэн байна. Тус улсуудад үер, усны аюултай холбоотойгоор 70 гаруй хүн амиа алджээ. Үерт Германы Рейнланд-Пфальц, хойд Рейн-Вестфалия муж өртөж, их хэмжээний хохирол учирсан байна.

Одоогийн байдлаар урссан байшингуудын тоог албан байдлаар нэгтгэж гаргаагүй байгаа бөгөөд усны аюулд өртөөгүй оршин суугчид байшингийн дээвэр дээр гарч, тусламж ирэхийг хүлээж байгаа юм. Үүнтэй холбоотойгоор Германы цэрэг, цагдаагийн алба хаагчид нисдэг тэргээр үерт өртөж гацсан, иргэдэд тусламж үзүүлэх, зөөх ажилд дайчлагдаж байгаа аж. Албаныхан их хэмжээний бороо орж, үерлэснийг дэлхийн дулааралтай холбон тайлбарлаж байгаа гэнэ.

Б.Бадамзул