БНХАУ-ын нутгийн хойд хэсгээр өнгөрсөн амралтын өдрүүдэд их хэмжээний усархаг, аадар бороо орсны улмаас нийслэл Бээжин хот усанд автжээ. Үүнтэй холбоотойгоор Бээжин хотын 15 мянга гаруй оршин суугчийг нүүлгэн шилжүүлж, олон улсын 700 орчим нислэгийн хуваарийг цуцалж, сургууль, цэцэрлэг, нийтийн тээврийн үйл ажиллагааг хязгаарласан байна.

       Харин БНХАУ-ын баруун өмнөд Сычуань мужид 16 гол үерлэж, үер, усны аюул тулгарсантай холбогдуулан зургаан мянган хүнийг аюулгүй газар руу шилжүүлсэн гэнэ. Улмаар өнгөрсөн даваа гарагт БНХАУ-ын Үндэсний цаг уурын төвөөс гамшгаас сэрэмжлэхийг анхааруулжээ.

Эх сурвалж: Sixth Tone