Ирак Улсын өмнөд хэсэгт орших Насирияа хотын коронавирусийн халдвартай иргэдээ эмчилж байсан эмнэлэгт гал гарч, өвчтөнүүд шатаж, амиа алдсан байна.

Одоогийн байдлаар түймрийг бүрэн унтрааж чадсан ч гал болон утааны улмаас амиа алдсан хүмүүсийн тоо нэмэгдэж байгаа гэнэ.

Хамгийн сүүлийн албан ёсны мэдэгдлээр 16 хүнийг шатсан эмнэлгийн барилгаас гаргасан бол 50 хүний цогцос олсон байна.

Амьд үлдэгсдийг эрэн хайх, аврах ажиллагааг үргэлжлүүлж байгаа бөгөөд хүчилтөрөгчийн баллон дэлбэрч, галын шалтгаан болсон байж магадгүй талаар эрх баригчид мэдээлжээ.

Мөн өнгөрсөн дөрөвдүгээр сард Иракын нийслэл Багдад хотод хүчилтөрөгчийн баллон дэлбэрч, эмнэлэгт түймэр гарсны улмаас 82 хүн амиа алдаж, 110 гаруй хүн шархадсан билээ.

Эх сурвалж: The Guardian