БНЭУ-ын Жайпур хотод орших XII зууны үеийн Амер цайзын дээвэр дээр сельфи хийж байсан 11 хүн аянгад цохиулж амиа алджээ. Аянга буух үед цайзын орой дээр 27 хүн байсан бөгөөд бусад хүн хүнд гэмтсэн байна. Амиа алдсан хүмүүсийн гэр бүрд мужийн захирагч Ашок Гехлот 6700 ам.долларын нөхөн олговор олгосон аж.

Энэтхэг Улсад жилд дунджаар 2000 гаруй хүн аянгад цохиулж, амиа алддаг гэсэн судалгаа байдаг гэнэ. Аянга, цахилгаан ихтэй аадар борооны улирал Энэтхэг Улсад зургадугаар сараас есдүгээр сарыг дуустал үргэлжилдэг байна.

Эх сурвалж: BBC