БНСУ-д өнгөрсөн мягмар гарагт 1212 халдварын шинэ тохиолдол бүртгэгдэж, цар тахлын дөрөв дэх давалгаа эхэлсэн талаар тус улсын Өвчнийг хянах, урьдчилан сэргийлэх төвөөс мэдээлжээ.

       Өмнөд Солонгост өнгөрсөн оны арванхоёрдугаар сарын 24-нд 1240 халдварын тохиолдол бүртгэгдэж, цар тахлын гурав дахь давалгаа эхэлж байв.

       Эрх баригчдын зүгээс одоо хэрэгжиж байгаа халдвар хамгааллын журмыг үргэлжлүүлэх бөгөөд халдвар тархах эрсдэлээс хамааран чангаруулах эсэхийг шийдэх аж.

       Гамшгийн дөрөвдүгээр түвшний үед 18:00 цагаас хойш гурваас олон тооны хүн цугларахыг хориглож, ресторан, кафе, цэнгээний газруудын үйл ажиллагааг 22:00 цагаар хязгаарлаж байгаа юм.

Эх сурвалж: Korea Times