Японы Улсын нийслэл Токио хотоос баруун хойд зүгт орших Шизүока мужид өнгөрсөн амралтын өдөр их хэмжээний борооны улмаас хөрсний нуралт үүссэн. Хөрсний нуралтын улмаас сураггүй болсон хүмүүсийг эрэн хайх, аврах ажиллагаа үргэлжилж байгаа бөгөөд одоогийн байдлаар 100 хүн сураггүй байгаа юм.

       Сүүлийн мэдээллээр хөрсний нуралтын улмаас долоон хүн нас барж, 130 барилга, байгууламж сүйджээ. Хөрсний нуралт хоёр километр урт, 160 метрийн урттайгаар урсаж, Шизүока мужийн ойролцоох Тоттори, Шимане мужийг чиглэж байгааг Япон Улсын цаг уурын агентлагаас анхааруулав.

       Тэгвэл үүнтэй холбоотойгоор Шимане мужийн эрх баригчид хөрсний нуралтад өртөх эрсдэлтэй 140 мянга орчим хүнд нүүх зөвлөмж хүргүүлжээ. Харин Шимане мужийн хойд хэсэгт орших Изүмо хотод өнөөдөр нэг цагийн дотор 75 мм хур тунадас орсныг цаг уурын байгууллагаас онцлон анхааруулж байна.

Эх сурвалж: NHK