Энэтхэг Улсын Мумбай хотын оршин суугчдад коронавирусийн эсрэг вакцины оронд давстай ус тарьсан хэрэг гарчээ.

       Мумбай хотын цагдаагийн газраас мэдээлснээр 2500 хүнд коронавирусийн вакцины оронд давстай ус тарьж, 28 мянган ам.доллар залилсан байна.

       Уг хэрэгт холбогдуулан эрүүл мэндийн байгууллагын 14 эмч, ажилтныг саатуулаад байгаа бөгөөд хэрэгтнүүдийг вакцины баталгаа, хуруу шил, шприцийг хуурамчаар үйлдсэнийг баталгаажуулж, хүний амь хөнөөхийг завдсан, залилан зэрэг эрүүгийн гэмт хэргийн зүйл ангид буруутган шалгаж байгаа юм.

Эх сурвалж: CNN