Мьянмар Улсын 2020 оны сонгуулийн маргаанаас үүдэн өнгөрсөн хоёрдугаар сард тус улсын цэргийн удирдагчид төрийн эргэлт хийсэн. Төрийн эргэлтийн эсэргүүцэн Мьянмарын иргэд эсэргүүцлийн жагсаалыг идэвхтэй өрнүүлж байлаа. Жагсаалаас олны танил, соёл урлагийн төлөөлөл болон улс төрийн тэмцэгч, хэвлэл мэдээллийн ажилтан, энгийн иргэн зэрэг маш олон мянган хүнийг албан баривчилж, олон хүний амь эрсдсэн.

       Тэгвэл эсэргүүцлийн жагсаал хийж, баривчлагдсан иргэдээс энгийн иргэн, хэвлэл мэдээллийн ажилтан зэрэг хүн багтсан 2296 хүнд өршөөл үзүүлж, сулласан талаар Мьянмар Улсын орон нутгийн хэвлэл мэдээлэв. Харин Мьянмарын удирдагч асан, Нобелийн энх тайвны шагналт Аун Сан Су Чиг суллаагүй гэнэ.

       Мьянмар Улсын цэргийн төлөөлөгчийн мэдээлснээр “Өршөөл үзүүлж, сулласан 2296 хүнийг эсэргүүцлийн жагсаалд манлайлах болон удирдах үүрэг гүйцэтгээгүй” гэж үзсэн байна. Өршөөлөөр суллагдсан иргэдийг хорих газраас нийтийн тээврээр хотын төвд зөөж  авчирчээ.

       Судалгаанаас үзэхэд Мьянмар Улсын төрийн эргэлт, жагсаалтай холбоотойгоор 5200 хүн баривчлагдаж, 883 амиа алдсан юм.

Эх сурвалж: CNN