Монголд цар тахлын дэгдэлт огцом өссөн нь олон хүн дархлаажуулалтын нэгдүгээр тунгаа хийлгэчихээд цар тахлаас бүрэн хамгаалагдсан гэж итгэсэнтэй холбоотой.

"Монголчууд эрт баярласан гэж болно" гэж тэр хэлэв.

"Энэ төвөгтэй байдалд дэлхийн ихэнх шийдвэр гаргагчдад ялагдсан гэж би бодож байна."

 

Индонезид вирусийн шинэ хувилбарууд газар авч байгаа. Индонезийн Анагаах ухааны нийгэмлэгийн эрсдлийг бууруулах баг мэдэгдэлдээ Синовак вакцины бүрэн тунд хамрагдсан ч Ковид-19-ийн халдвар авсан 350 гаруй эмч, эрүүл мэндийн ажилтнууд байна гэж дурджээ. Тус холбооны мэдээлснээр орон даяар хоёрдугаар сараас зургадугаар сарын 7-ны хооронд 61 эмч нас баржээ. Үүний арав нь Хятадад үйлдвэрлэсэн вакцин хийлгэсэн байжээ.

 

Бахрейн болон Арабын Нэгдсэн Эмират Улс нь Синофармын вакцины эмнэлзүйн сүүлийн шатны туршилтын өгөгдөл гарахаас өмнө тус вакциныг тариулахыг зөвшөөрсөн анхны хоёр улс байв. Түүнээс хойш вакцин хийлгэсэн хүмүүс тус хоёр улсад өвчилсөн гэсэн мэдээлэл өргөн тархсан. Бахрейны засгийн газрын хэвлэл мэдээллийн алба мэдэгдэл хийхдээ Вант улсын вакцинжуулалтыг "үр дүнтэй, амжилттай хэрэгжүүлж байна" гэжээ. Гэсэн хэдий ч өнгөрсөн сард Бахрейн болон Арабын Нэгдсэн Эмират Улсын албан тушаалтнууд гурав дахь удаагийн вакцины тун Файзер эсвэл Синофармын сонголттойгоор тариулахыг  санал болгосон. 

 

Энэхүү судалгааны илтгэлд Х.Баярцогт, Андреа Каннапел, Бен Хаббард, Асмаа аль-Омар, Муктитас Сухартоно, Элси Чен Клэйр Фу нар хувь нэмэр оруулав.

 

Эх сурвалж: www.eminetra.com

Б.Бадамзул