АНУ Афганистанаас цэргийн хүчээ татан авах ажлыг эхлүүлэх үетэй зэрэгцэн довтолгоогоо эрчимжүүлсэн Талибаны бүлэглэл өнгөрсөн тавдугаар сараас хойш өнөөг хүртэл Афганистаны 370 орчим суурингийн 50 гаруйг нь эзлээд байгаа талаар НҮБ-ын тусгай элч Дэбора Лайонс мэдээлэв.

Тэрбээр “Энэ нөхцөл байдал хүндэрсээр байвал цаашид зөвхөн Афганистаны аюулгүй байдал бус хөрш орнуудын ч аюулгүй байдал яригдана” хэмээжээ.

АНУ болон НАТО-гоос цэргийн хүчээ ирэх есдүгээр сарын 11-ний дотор Афганистаны газар нутгаас татан авахаар төлөвлөөд байгаа.

Харин олон улсын цэргийн хүчин Афганистаны цэргийн хүчээ гаргаж байгаа нь Талибаны дайралт, булаан эзлэлтийг дэмжиж буй зүйл болж байгаа талаар НҮБ онцолжээ.