Герман Улсын Холбооны монополын эсрэг алба “Аппле” компанийг iOS үйлдлийн системээрээ дамжуулан хэрэглэгчдээ тагнаж байж болзошгүй хэмээн шалгаж эхэлжээ.

Тус улсын эрх баригчдад “Аппле” компанитай холбоотой санал гомдол удаа дараа ирсний дагуу ийнхүү мөрдөн байцаах, шалгах үйл ажиллагааг эхэлж буй талаар Холбооны монополын эсрэг албаны Ерөнхийлөгч Андреас Мундт мэдээлэв.

Герман Улсад л гэхэд 250 мянга гаруй байгууллага iOS үйлдлийн системээр дамжуулан хөдөлмөр эрхэлдэг гэнэ.

Шалгалтын ажиллагааг цааш үргэлжлүүлэхийн тулд Холбооны монополын эсрэг албанаас Европын холбоотой холбогдож, зөвшөөрөл авах ажлыг зохион байгуулах аж.

Эх сурвалж: Euro News