“Оскар” нэрэмжит шагналт жүжигчин, найруулагч Николас Кейж энэ өдөр 58 нас хүрч байна.

Нэрт жүжигчний “The Talks” цахим сэтгүүлд өгсөн ярилцлагыг хөрвүүлэн хүргэе.

-СОРИЛТ БҮХЭН ГОО ҮЗЭСГЭЛЭНТЭЙ-

-Таны жинхэнэ нэрийг Николас Коппола гэдэг ч дэлхий дахин Николас Кейж гэдгээр тань мэднэ. Яагаад нэрээ өөрчлөх болсон юм бэ?

          -Хууль ёсны дагуу миний нэр Николас Коппола. Би өөрийгөө шинээр бүтээх хэрэгтэй болсон. Анх залуу жүжигчин болоход жинхэнэ нэрнээс минь болоод дүр сонгон шалгаруулалтад оролцох хэцүү байлаа. Харин нэг удаа туслах дүрийн сонгон шалгаруулалтад оролцохдоо Николас Кейж нэрээр оролцсон. Шүүгчид ч мэдээгүй. Тэгээд л би анхны дүр бүтээх боломжоо олсон. Эрх чөлөөтэй болж, ямарваа нэгэн зүйлээс чөлөөлөгдсөнөө мэдэрч байна.

-Гэхдээ таны сонгосон шинэ нэр Кейж /Англиар тор гэсэн үг/ байхад “Эрх чөлөөг олсон” гэдэг тань зөрчилдөх юм биш үү?

          -Би хэзээ ч ингэж бодож байгаа юм байна (инээв). Тухайн үед өвөрмөц бөгөөд энгийн, богино бөгөөд эелдэг нэр л бодож байсан. Бодсоор бодсоор Кейж гэдэг нэр л санаанд орж ирсэн. Надтай нэгэн үед хамт гарч ирсэн, жүжигчин Том Круз ч нэрээ больсон. Мөн авангард хөгжмийн зохиолч Жон Кейж надад таалагддаг байлаа л даа. Харин чамд ийн хоёр талтай бодогдсон нь үнэхээр сонирхолтой байлаа.

-Таны жүжигчний хувьд олны талархлыг хүртэж, “Оскар”-ын шилдэг жүжигчнээр ч шалгарч байлаа. Гэхдээ таны тоглосон бүтээлүүдийг харахад ихэвчлэн попкорн /гүн утга санаа илэрхийлээгүй киног Америкийн үзэгчид ингэж нэрлэдэг/ кинонд дүрс бүтээсэн байдаг. Яагаад гэдгийг нь зөвхөн та л мэдэх байх?

          -Бүх зүйл кино зохиол, найруулгын дагуу байсан. Би жүжиглэлтийн нэг хэв маягт баригдахгүйн тулд натурализм, фотореализмыг сонирхож эхэлсэн. Тухайн үед Станиславскийн номнуудыг ч ихээр уншиж байлаа.

Үнэндээ би олон төрлийн хооронд нь хольж, хутгах дуртай. Гэхдээ цаг нь тулбал би амьдралын гүн ухаанаас ч илүү том зүйл хийж чадна шүү.

-Таныг шилдэг жүжигчдийн нэг болж, оргилд нь хүрсэн уран бүтээлчдийн нэг болж байх үед Рожер Эберт таныг “Аймшиггүй жүжигчин” гэж хэлж байсан гэдэг. Үнэн үү?

          -Хүн бүхэнд зориулагдсан оюун санааг нь барьж, дийлэх хайрцаг гэж бий. Харин хайрцагнаасаа гарч яваа бол сэтгэл хөдлөл, мэдрэмж, бүх зүйлээ зориулахад бэлэн байх хэрэгтэй. Гэхдээ би үүнийг хийсэн анхны хүн бие. Дэлхийн урлагийн салбарт 1930-аад онд ийм зүйл маш олон тохиолдсон.

-Кино зураг авалтын дундуур ч таны хэлж байгаа хайрцагнаасаа давсан гаднах ертөнцөд очих үе бий юу?

          -Тийм үе маш том үзэгдэл болдог. Намайг юу юунаас илүү тайтгаруулж, тайвшруулдаг.

-Тийм үед үнэхээр тайтгарч чаддаг гэж үү?

          -Би гүйлт хийх юм уу, кофе ихээр ууж байж л тайвширдаг хүмүүсийн нэг. Харин зураг авалтын үед эрс тэс. Тайвшрах хэцүү. Гэхдээ мэдрэх болно. Тэр мөчид үнэнийг олж, ид шидийн зүйл тохиолдох болно.

-Таны хэв маягийг шүүмжилдэг, хэтрүүлсэн гэдэг хүмүүст юуг хандаж хэлэх вэ?

          -Уран бүтээлч цаг үргэлж талархаж хүлээж авна гэж байхгүй шүү дээ. Тэр бол сорилт. Сорилт бүхэн гоо үзэсгэлэнтэй байдаг. Гэхдээ өвөрмөц зүйл хийснээрээ шүүмжлэлд өртөх магадлалтай гэж боддог. Миний таньдаг олон баатар, Эдвард Мунд, Стравинский нар ч бусдаас өөр, өвөрмөц байсныхаа төлөө шүүмжлүүлж байсан.

-Хэрэв шүүмжлэгчдийн зөв байсан бол яах вэ?

          -Заримдаа бид хэзээ ч байж боломгүй зүйлсийг хийж байж болох юм. Ямар ч сэтгэл хөдлөл, мэдрэмжгүй болно. Үргэлж хайрлагдах нь сайхан байдаггүй. Бид заримдаа үзэн ядагдаж, үзэн ядаж хэрэгтэй. Үзэн ядах нь ч сайхан байх үе бий.

-Шилдэг уран бүтээлчийн, кино урлагийн оргилд зогсох замналаа олон жилийн турш хадгалах хэцүү байв уу?

-... (чимээгүй болов)

-Сүүлийн үеийн кинонуудаас аль нь танд илүү их таалагдсан бэ?

          -“Жокер” кино болон Хоакин Феникс. Би “Жокер” киног үзээд л Хоакин Феникст хайртай болсон. Миний хувьд орчин үед үзсэн хамгийн эмгэнэлт жүжиглэлт байсан. Түүн шиг хэн ч үгүй.

-Нэгэн цагт та ах, дүү Коэн, Дэвид Линч, Вернер Херцог зэрэг олон гайхалтай найруулагчтай хамтран ажиллаж байлаа. Сайхан дурсамжаасаа хуваалцаач?

          -Надад хамгийн бүтээлч хүмүүстэй хамтран ажиллах аз тохиосон. Тэдэнтэй хамтарч ажиллах надад аз жаргал бэлэглэсэн.

-Сонгосон, дүр бүтээсэн дүрүүддээ эргэлзэх үе байдаг уу?

          -Туулсан, сонгосон бүхэн минь миний түүх, миний хийхийг хүссэн зүйл. Надад хяналт байхгүй байгаа биш юм. Хяналтгүй байхдаа л би хяналтад байдаг.