Дэлхийн хамгийн олон дагагчтай youtuber-үүдийн нэг PewDiePie буюу Феликс Кьеллберг өнгөрсөн амралтын өдөр “Youtube” хуудсаараа дамжуулан аав болох гэж байгаагаа богино хэмжээний дүрс бичлэгээр зарлажээ. Тус бичлэг нь ердөө нэг цагийн дотор 680 гаруй хандалт авсан бөгөөд гаднын мэдээллийн сайтууд PewDiePie-н аав болох гэж буйгаа зарласан бичлэгийг үзэх гэж хүмүүс интернэт сүлжээг гацаасан талаар дурдсан байна.

                                  Өдгөө 111 сая гаруй дагагчтай PewDiePie дүрс бичлэгтээ гэргий Марзиатайгаа 2019 онд гэрлэсэн тухайгаа болон гэргийгээ бие давхар болсныг нь хэрхэн мэдсэн тухайгаа ярьсан аж. Швед Улсын иргэн Феликс Кьелберг буюу PewDiePie өдгөө 33 настай. Ташрамд дурдахад, PewDiePie саяхныг хүртэл “Youtube” сүлжээний хамгийн олон дагагчтай амжилтыг эзэмшиж байсан бөгөөд одоо БНЭУ-ын “T-Series” брэндийн “Youtube” хуудас уг амжилтыг эзэмшиж байгаа юм.