Америкийн нэрт реппер, продюсер Kanye West Калифорнийн шүүхээс бичиг баримтаа бүрдүүлж, өөрийн жинхэнэ нэрээ албан ёсоор Ye болгожээ.

Нэрээ солих талаар Kanye West 2018 онд “Ye” нэртэй студийн цомгоо гаргасныхаа дараа “Намайг албан ёсоор Kanye West гэж нэрлэдэг байсан. Харин одоо бол би Ye” хэмээн мэдэгдэж байсан юм.

Нэрт репперийн өөрчлөлтийг түүний сонсогчид гэр бүлийн харилцаатай нь холбон тайлбарлаж байгаа юм.

Америкийн реппер Ye эхнэр Ким Кардашьянтай хэсэг хугацаанд тусдаа амьдарч, өнгөрсөн хоёрдугаар сард гэрлэлтээ цуцлуулах өргөдөл өгсөн. Ye болон Ким Кардашьян нар хамт амьдарч, дөрвөн хүүхдийн эцэг, эх болоод байсан юм. Эхнэр, дөрвөн хүүхдээсээ салсны дараа Ye наймдугаар сард "Donda" нэртэй студийн цомгоо гаргасан билээ.

Эх сурвалж: CNN