Энэ удаагийн “Тэд бидний тухай” буландаа Герман Улсын нийслэл Берлин хотод төвтэй “BNE” сэтгүүлийн нийтлэлч Антонио Грасеффогийн манай орон эдийн засгийн өнөөгийн хүндрэлээс гарах гарц нь криптовалют байж болох тухай бичсэн нийтлэлийг хөрвүүлэн хүргэж байна.

3.3 сая хүн амтай Монгол Улс “Ковид-19” цар тахлын гурав дахь жилдээ Украины дайны эдийн засгийн үр дагавар, байгалийн хийн үнийн огцом өсөлт, мөнгөн тэмдэгтийн уналтаас үүдэлтэй хомстолд нэрвэгдээд байгаа юм. Харин энэ үеэр монголчуудын цөөнгүй нь криптовалютыг сонирхож, хөрөнгө оруулах болсныг гайхах зүйл биш гэж харж байна.

                   Монгол Улсад инфляц 15 хувьд хүрсэн. Дотоодын хадгаламж 9.0 хувь болж, үнийн өсөлт үргэлжилж байна. Харин инфляц өсөж, төгрөгийн хадгаламждаа мөнгөө хадгалж байгаа иргэд хадгаламжийнхаа 6.0 хувийг алдаж байгааг криптовалютын “Coinhub” биржийн захирал анхааруулж байгаа юм. Криптовалютын сэргэлт, их худалдан авалтын 2016-2017 онд дотооддоо бирж, худалдан авалтын платформгүй байсан Монгол Улсад өдгөө 500 мянга гаруй хүн дотоодын койноо эзэмшиж байна. 2021 оны арваннэгдүгээр сарын 30-ны байдлаар Монгол Улсад DAX, Coinhub, Trade, Complex, Corex, Capex, National Crypto Exchange, Ebit, Stock Exchange, Retex, My coin гэсэн 12 криптовалютын биржтэй болжээ. Улмаар цар тахлын эдийн засгийн уналтын үед онлайнаар хялбар аргаар мөнгө олох гэсэн хүмүүс криптовалютад хөрөнгө оруулах болсон аж. Олон улсын худалдаа гэлтгүй дотооддоо ч койноор худалдан авах зэргээр 6-7 сарын хугацаанд Монгол дахь криптовалютын хэрэглээ, худалдан авагчдын тоо огцом өссөн байна. Харин 2019 оны нэгдүгээр сараас хойш гарч эхэлсэн дотоодын койнууд хөрөнгө оруулагчдынхаа итгэлийг алдсаны зэрэгцээ ОХУ, Украины дайнтай холбоотой эдийн засгийн хүндрэлтэй үед Монголд криптовалютын худалдан авалт бараг тэг болжээ.

Мөн дэлхийд тэргүүлэгч Биткойны ханш 50 хувиар буурсантай холбоотой Монгол Улсын Засгийн газраас дотоодын койнд хяналт тавихаар хуулийн төсөл баталж, хэрэгжүүлж байгаа. Өнгөрсөн оны арванхоёрдугаар сарын 14-нөөс хэрэгжиж эхэлсэн Виртуал хөрөнгийн тухай хуулийн хүрээнд дотоодын 60 орчим криптовалютаас 21-ийг нь хоригложээ. Одоо Монгол Улсын криптовалютын “Капекс” биржид дотоодын 17, “Coinhub” биржид дотоодын есөн койн арилжаалж байгаа аж.

Амьжиргааны түвшин, хэрэглээний бараа, бүтээгдэхүүний үнэ өсөж байгаа энэ үед Монголын өрхүүд криптовалюттой холбоотой хөрөнгөө эргэлдүүлж, эдийн засгаа хүнд нөхцөлд “амь зуух” боломжтой байна.

Эх сурвалж: "BNE", "Эргэлт" сэтгүүл 2022 он