Эргэлт.мн мэдээллийн сайт “Тэд бидний тухай” буландаа олон улсын хэвлэл мэдээллийн сайт, агентлагуудад Монгол Улсын тухай бичсэн нийтлэлүүдийг хөрвүүлэн хүргэдэг билээ. Тэгвэл энэ удаагийн “Тэд бидний тухай” буландаа Монгол Улсын Ерөнхий сайд Л.Оюун-Эрдэнийн айлчлын талаар гаднын хэвлэлүүдэд гарсан мэдээллүүдийг тоймлож, хөрвүүлэн хүргэж байна.

-МОНГОЛ, СИНГАПУРЫН САЙД НАР ГУРВАН САНАМЖ БИЧИГ БАЙГУУЛЖЭЭ”

Монгол Улсын Ерөнхий сайд Л.Оюун-Эрдэнэ Бүгд Найрамдах Сингапур Улсад албан ёсны айлчлал хийж, тус улсын Ерөнхий сайд Ли Сиен Лүнтэй хэлэлцээ хийсэн. Ерөнхий сайд Л.Оюун-Эрдэнийн уг айлчлал хоёр орны дипломат харилцааны түүхэнд сүүлийн 11 жилд анх удаа Монголын Засгийн газрын тэргүүн Сингапурт айлчилж байгаа хэрэг болжээ.

Л.Оюун-Эрдэнэ 2019 онд Засгийн газрын Хэрэг эрхлэх газрын даргын хувиар Сингапур Улсад айлчилж, Сингапурын хөгжлийн туршлагыг Монгол Улсад нутагшуулах талаар санал солилцож байсан. Тэр үеэр ярьж тохиролцсон ажлуудаа бодитоор хэрэгжүүлэх, үр дүнгээ баталгаажуулахаар энэ удаа Засгийн газрын тэргүүний хувиар айлчлав.

                          Айлчлалынхаа хүрээнд Монгол Улсын Ерөнхий сайд Л.Оюун-Эрдэнэ Сингапурын Темасек олон улсын сан, Хуримтлалын төв сан, Орон сууцны хөгжлийн зөвлөл зэрэг байгууллагад зочлохын зэрэгцээ Сингапурын Харилцаа холбоо, мэдээллийн сайд, Сингапурын Хамтын ажиллагааны байгууллагын удирдлагатай уулзаж, дээрх чиглэлээр хамтран ажиллах, Сингапурын туршлагыг хуваалцах талаар ярилцаж, зарим тодорхой тохиролцоонд хүрсэн аж.

Сингапур Улсын хуримтлалын төв санг тэтгэврийн үйлчилгээтэй уялдуулан хэрэгжүүлсэн туршлагыг судалж, Монгол Улсад нэвтрүүлэх, зөвлөх үйлчилгээ авах чиглэлээрхоёр тал нягт хамтран ажиллаж ирсэн. Энэхүү айлчлалын үеэр хоёр талын хамтын ажиллагааны гурван баримт бичиг байгуулжээ. Үүнд:

• Монгол Улсын Хөдөлмөр, нийгмийн хамгааллын яам, Сингапурын хамтын ажиллагааны байгууллага хооронд “Монгол Улсын онцлогт нийцсэн хуримтлалын нэгдсэн сангийн тогтолцоог бий болгоход дэмжлэг үзүүлэх тухай” баримт бичиг
• “Нийтийн орон сууцны хөтөлбөр”-ийнтухай Монгол Улсын Барилга, хот байгуулалтын яам, Сингапурын хамтын ажиллагааны байгууллага хоорондын санамж бичиг
• Санамж бичгийн дагуу Монгол Улсын төрийн орон сууцжуулалтын салбарын боловсон хүчний чадавхийг бэхжүүлэх, холбогдох сургалтуудыг зохион байгуулахад Темасек олон улсын сангаас  буцалтгүй тусламж үзүүлэхээр болсон байна.

Монгол, Сингапур дипломат харилцаа тогтоосныхоо 50 жилийн ойг хоёр жилийн өмнө тэмдэглэсэн. Ерөнхий сайд Л.Оюун-Эрдэнийн айчлалын үеэр Сингапурын Ерөнхий сайд Ли Сиен Лүн хүлээн авч, оройн зоог барьсан гэнэ.

                Нэн түрүүнд, Сингапурын хамтын ажиллагааны хөтөлбөрийн хүрээнд Сингапур-Монголын 1600 гаруй албан тушаалтныг хүлээн авч, санхүү, эдийн засгийн хөгжил, хэл, харилцааны ур чадвар, төрийн удирдлагын чиглэлээр санал солилцож, туршлага солилцсон байна. Харин харилцан яриа эхлэхэд, Сингапурын Ерөнхий сайд Ли Сиен Лүн шууд л цар тахлын үеийг эргэн дурсаж байх. Дахин нэгэн удаа сайн үзвэл, 2020 онд буюу “Ковид-19” цар тахал дэлхий даяар дэгдээд байх үед Сингапур Улсаас Монголд их хэмжээний оношлуур хандивлаж байсан.

Тэгвэл Монгол Улсын Ерөнхий сайд Л.Оюун-Эрдэнийн албан ёсны айлчлалын үеэр уг сэдвийн хөндөж, сануулж байгаа нь цаанаа тусламж гуйж байгааг илтгэсэн байж болзошгүй талаар гадаадын хэвлэлүүд бичээд эхэлжээ. Оройн зоог барьж байхдаа “Хэрэгтэй үед манай улс орнууд бие биенээ дэмжиж ирсэн. Хоёр улс нэгнийхээ муу гэдэг талыг нөхөж байдаг” гэж хэлсэн нь 2020 онд Темасек сангаар дамжуулан хандивласан “Ковид-19”-ийн оношлуурынхаа хариуг нэхсэн байж болзошгүй гэнэ.