-ЕВРОПЫН ХОЛБОО ОХУ-ЫН ТОМООХОН ДОЛООН БАНКИЙГ SWIFT-ЭЭС ХАСЖЭЭ-

ОХУ, Украины мөргөлдөөнтэй холбоотойгоор НАТО, Европын холбооноос ОХУ-ын эсрэг хориг арга хэмжээ авч, олон улсад нэр бүхий албан тушаалтнуудын хөрөнгийг царцаагаад байгаа. Тэгвэл ОХУ-ыг олон улсын худалдаа, гүйлгээнээс бүрэн холдуулж, хориглохын тулд тус улсын гүйлгээний банкуудыг олон улсын төлбөрийн систем буюу SWIFT-ээс хасах тухайд өрнөдийн орнууд санал нэгдээд байна.

          Олон улсын төлбөрийн систем SWIFT өнөөгийн байдлаар дэлхийн 200 гаруй орны 11 мянга гаруй банк, санхүүгийн байгууллагыг холбодог. Албан судалгаагаар SWIFT системээр нэг өдөрт дунджаар 32 сая гүйлгээ/систем/ хийдэг аж.

          Тэгвэл сүүлийн өдрүүдэд олон нийтийн анхаарлыг хамгийн их татсан ОХУ-ын банкуудыг SWIFT системээс хасах ажиллагаа амжилттай болсон талаарх Европын холбооны албаны эх сурвалжийн мэдээллийг “Reuters” агентлаг нийтэд мэдээлэв. Эх сурвалжийн мэдээлснээр

• VTB банк
• Otkritie FC банк
• Новикомбанк
• Promsvyazbank
• Россия банк
• Sovcombank
• VEB банк зэрэг ОХУ-ын долоон банк SWIFT системээс салж байгаа аж.

          2022 оны байдлаар ОХУ-ын гүйлгээний банкуудын 70 хувийг SWIFT системтэй банк эзэлдэг. Тэгвэл гүйлгээний банкуудад тавьсан хориг арга хэмжээтэй холбоотойгоор Европын холбооны албан тушаалтнуудаас үл хамааран Оросын газрын тос, байгалийн хийн зах зээл уналтад орно гэж зарим олон улсын шинжээч онцолж байна.

“SWIFT СИСТЕМЭЭС ХАСАХ НЬ ОХУ-ЫН ЭДИЙН ЗАСГИЙГ БҮРЭН ХОРИГЛОЖ ЧАДАХГҮЙ”

Өнгөрсөн 5-10 жилийн турш дэлхийд цөмийн зэвсэгтэйгээ зарласан БНХАУ, БНЭУ, Иран зэрэг орон SWIFT-ээс бүрэн хараат байдлаа зогсоож, олон улсын төлбөрийн шинэ системд шилжсэн. Мөн үүсээд байгаа нөхцөл байдалтай холбоотойгоор ОХУ-ын банкуудыг SWIFT-ээс хассан нь ОХУ-ыг олон улсыг эдийн засгаас бүрэн салгаж, тусгаарлах үр дүнтэй алхам болохгүй талаар шинжээчид мэдэгдэж байна.

          Зарим олон улсын хэвлэлийн мэдэгдэж байгаагаар “ОХУ Украинд цэргийн тусгай ажиллагаа явуулахаар бэлдэж эхлэхдээ олон улсаас ирэх хориг арга хэмжээг мэдэж байсан. Тиймээс эдийн засаг, банк, санхүүгийн байгууллагууд нь бэлтгэлтэй байгаа юм. Украин Улсад цэргийн тусгай ажиллагаа явуулж эхлэхтэй зэрэг ОХУ-ын Ерөнхийлөгч Владимир Путин улсынхаа нэр бүхий тэрбумтан, банкны эздүүдтэй уулзалт зохион байгуулсан. Улмаар “удахгүй ОХУ-ын эсрэг ирэх” олон улсын хориг арга хэмжээнүүдийн эсрэг өөрсдийн төлөвлөгөөгөө боловсруулж байж болзошгүй юм. SWIFT-ээс бүрэн салсан орнууд өөр өөрийн системээ ашиглан эхэлсэнтэй адил ОХУ өөрийн зохион бүтээсэн системээ ашигласнаар НАТО, Европын холбооноос хэрэгжүүлсэн хориг арга хэмжээний эсрэг бүрэн зайлсхийх боломжтой.

-ХЭРЭВ ОХУ-ААС ОЛОН УЛСЫН ЭСРЭГ АРГА ХЭМЖЭЭ АВЧ ЭХЭЛБЭЛ ЮУ БОЛОХ ВЭ-

Европын холбоо болон барууны орнууд ОХУ-ын эсрэг хэд хэдэн хориг арга хэмжээ авч, хэрэгжүүлээд байна. Үүний олонх нь ОХУ-ны нэр бүхий албан тушаалтан, банк, санхүүгийн байгууллагын эсрэг тавьсан хилийн хориг, олон улс дахь хөрөнгийг царцаасан нь багтаж байгаа юм. Тэгвэл Эргэлт.мн мэдээллийн сайтаас ОХУ-аас олон улсын эсрэг хориг авч эхэлбэл юу болох талаар гаднын мэдээллийн сайтын мэдээ, тоймуудад үндэслэн таван шилдэг таамгийг уншигч та бүхэнд хүргэж байна.

1. Хэрэв ОХУ-аас Европ руу гаргадаг бүх байгалийн хийн хоолойгоо хаавал Европын байгалийн хийн бүтээгдэхүүн уналтад орно. Албан бус судалгаагаар Европын орнуудын 45-50 хувь нь ОХУ-ын байгалийн хийний эдийн засгаас бүрэн хамааралтай.
2. ОХУ дэлхийн нийт газрын тосны олборлолтын 34.9 хувийг эзэлдэг. Хэрэв ОХУ-д тавьсан хориг арга хэмжээтэй холбоотойгоор газрын тосны үнэ өсвөл дэлхийн дахинд адилхан өснө гэсэн үг.

      3.Компьютер, техник хэрэгслийн чипнүүдийг үйлдвэрлэхэд ашиглахад неон, палладияийн элементийн 40 хувийг ОХУ олборлож, нийлүүлдэг. Хэрэв ОХУ-аас неон, палладияийн үйлдвэрлэл, олборлолтоо зогсоовол дэлхий даяар компьютерийн чипний үйлдвэрлэл зогсох болно.

         4.“Боинг” нисэх онгоцны далавчийг хийдэг титан хайлшийг ОХУ үйлдвэрлэж, нийлүүлдэг. Хэрэв ОХУ-аас титанаа үйлдвэрлэхээ зогсоовол дэлхий даяар “Боинг” нисэх онгоцны үйлдвэрлэл зогсох юм.