ОХУ-ын Ерөнхийлөгч Владимир Путин Украинд ажлын айлчлал хийж байгаа. Мариуполь хотоос эхэлсэн В.Путины айлчлал ОХУ-д эзлэгдсэн Украины зүүн хэсгийн хотуудаар үргэлжлэх талаар Кремлиэс мэдэгджээ.

-ОЛОН УЛСЫН ЭРҮҮГИЙН ШҮҮХИЙН БАРИВЧЛАХ ШИЙДВЭРТЭЙ ЗЭРЭГЦСЭН В.ПУТИНЫ АЙЛЧЛАЛ-

ОХУ, Украины дайны асуудлаар Олон улсын эрүүгийн шүүх хэлэлцсэн. 380 гаруй өдрийн өмнө Зүүн Европт эхэлсэн тус дайны талаар олон улсаас нотлох баримт, мэдээлэл хүргүүлсний дүнд Олон улсын эрүүгийн шүүх ОХУ-ын Ерөнхийлөгч Владимир Путиныг баривчлах шийдвэр гаргасан. Тэгвэл Олон улсын эрүүгийн шүүхийн шийдвэр гарснаас хойш ердөө хоёр өдрийн дараа В.Путин Украинд ажлын айчлал хийж байгаа юм.

                       Ерөнхийлөгч Владимир Путины айлчлал эхлэхээс өдрийн өмнө Украины арми ОХУ-ын Краматорск хотод цохилт өгсөн бөгөөд дайралтын улмаас хоёр хүн амиа алдаж, 10 гаруй хүн шархадсан. Улмаар ОХУ-ын Ерөнхийлөгч В.Путин ажлын айлчлалаа Мариуполь хотоос эхлүүлж, Донецк болон Крымын хойгийн ойролцоох хэд хэдэн хотоор автомашинтай явж, оршин суугчидтай нь ярилцаж, санал солилцсон талаар Оросын “MASS” агентлаг Кремлийн мэдэгдлээс иш татан мэдээлжээ.

В.Путины ажлын айлчлаа эхлүүлсэн Мариуполь хотод Оросын арми хүчтэй цохилт өгч, бөмбөгдсөөр ОХУ,Украины дайн эхэлснээс хойших 80 дахь хоногт эзэлсэн байдаг. Харин Европын аюулгүй байдал, хамтын ажиллагааны байгууллагаас ОХУ-ыг Мариуполь хотыг эзлэхийн тулд төрөх эмнэлгийг бөмбөгдөж байсныг дайны гэмт хэрэг хэмээн Олон улсын эрүүгийн шүүхэд мэдэгдсэн байдаг.

                       ОХУ-ын Ерөнхийлөгч Владимир Путины ажлын айлчлалын талаар сэтгэгдэл илэрхийлсэн Украины алдартнууд дундаас “New Voice of Ukraine” сайтын ерөнхий редакторыг сэтгэгдэл олон хүнд хүрчээ. дундаас “New Voice of Ukraine” сайтын ерөнхий редактор Юан МакДональд В.Путины айлчлалын талаар “Оросын дарангуйлагч Путин одоогоор ОХУ-ын мэдэлд байгаа, Оросын арми сүйтгэж, сөнөөсөн Мариуполь хотод шөнөөр очиж, оршин суугчидтай нь уулзаж байна гэнэ. Энэ бол Кремлийн сюрреал дүрслэл(гэвч үнэн зүйл)” хэмээн албан ёсны цахим хуудастаа бичжээ. Ерөнхийлөгч Владимир Путины айлчлалтай холбоотойгоор Украинд олон цуурхал тархсанаас В.Путин Украины цэргийн дээд командлал, Жанжин штабынх нь дарга Валерий Герасимовтой уулзсан талаар эх сурвалж мэдэгдээд байна.

ВЛАДИМИР ПУТИН: УКРАИНЧУУД БОЛ НАЦИСТУУД

Ерөнхийлөгч В.Путин айлчлалынхаа хүрээнд Мариуполь хотод сэргээн засварлаж байгаа эмнэлэг, театр зэргээр орж, иргэдтэй ярилцжээ. Ингэхдээ ОХУ-ын Шадар сайд Марат Хуснуллины хамт явсан бөгөөд очсон газар бүрдээ суртал ухуулгын шинж чанартай зүйл хэлж байсан талаар эх сурвалж “The Guardian” агентлаг мэдээлсэн байна.

ОХУ-ын Шадар сайд Марат Хуснуллин “Оросын төр Мариуполь хотыг сэргээн засварлаж байна. Манай орны засварлах хүчин чадал сайн, богино хугацаанд сэргээж байгаа учир оршин суугчид эргэн Мариуполь хотдоо ирж байгаа юм. Цэргийн тусгай ажиллагааны үед сүйдсэн Мариуполь хотыг сэргээх ажлыг энэ оны төгсгөл гэхэд дуусгана. Мариуполь хотын сүйрэлд ард түмнээ орхин ухарч байгаа Украины цэргүүд буруутай” гэжээ. Харин Марат Хуснуллины дараагаар ОХУ-ын Ерөнхийлөгч Владимир Путин “Украинчууд бол нацистууд. Хэрэв сайн хүмүүс байсан бол ард түмнээ хаяхгүй” хэмээсэн аж.

                       Владимир Путины ажлын айлчлалын талаар Оросын нэгэн телевиз “Мариуполь хотын оршин суугчид Ерөнхийлөгчид талархаж, түүний өмнөөс залбирч байна. Цэргийн тусгай ажиллагааны үед сүйдсэн Мариуполийг сэргээн босгож байгаад ОХУ-д талархаж байна” хэмээн мэдээлжээ. Харин В.Путины айлчлалтай зэрэгцэн Украины албаныхан Мариуполь хотод дайнтай холбоотойгоор амиа алдсан хүмүүсийн тоог ил болгов. Нэг сая гаруй хүн амтай Мариуполь хотоос цэрэгт татагдсан 22 мянга гаруй залуу ОХУ, Украины дайнд амиа алджээ.

-ОХУ 6000 ГАРУЙ УКРАИН ХҮҮХДИЙГ ДАЙНЫ ХОРИГДОЛ БОЛГОСОН ГЭВ-

Дээр дурдсан Олон улсын эрүүгийн шүүхээс ОХУ-ын Ерөнхийлөгч Владимир Путиныг баривчлах захирамжийг тус шүүхийн 123 гишүүн улс зөвшөөрсөн аж. Шүүхэд Францын “Франс Пресс” агентлаг, Йелийн их сургуулийн судлаачид АНУ-ын дэмжлэгтэйгээр судалгаа явуулж, ОХУ 6000 гаруй украин хүүхдийг дайны хоригдол болгож, 43 газарт хуваан хорьж байгаа тухай тайлан, нотлох баримтыг дэлгэжээ. Үүнтэй холбоотойгоор ОХУ-ын Ерөнхийлөгч Владимир Путин төдийгүй тус улсын Хүүхдийн эрхийн асуудал эрхэлсэн комиссар Мария Лявова-Беловаг дайны гэмт хэрэгт буруутгасан байна.

                       Хэрэв ОХУ-ын Ерөнхийлөгч Владимир Путин болон Хүүхдийн эрхийн асуудал эрхэлсэн комиссар Мария Лявова-Беловаг баривчилбал Олон улсын эрүүгийн шүүхийн салбар, Нидерландын Гааг хотод шүүх аж.

-ОРОСЫН ХӨЛСНИЙ ЦЭРГҮҮДИЙН “ВАГНЕР” БҮЛЭГ ШИНЭЭР 30 МЯНГАН ЦЭРЭГ ЭЛСҮҮЛНЭ-

Оросын хөлсний цэргүүдийн “Вагнер” бүлэг ирэх тавдугаар сард багтаан шинээр 30 мянган цэрэг элсүүлэх гэж байгаа талаар тус бүлгийг үүсгэн байгуулагч Евгений Пригожин мэдэгдсэн. Эх сурвалжийн мэдээлснээр “Вагнер” бүлгийн цэрэг элсүүлэх төв хэдийнэ ОХУ-ын 42 хотод хүрч, өдөрт дунджаар 500-800 цэрэг элсүүлж байгаа гэнэ. Одоогоор элсүүлж байгаа цэргийн тоо баримтыг баттай шалгах боломжгүй байгаа аж.

                       Украины Бахмут хотыг эзлэх дайралтаас эхлэн Оросын армитай нэгдсэн хөлсний цэргүүдийн “Вагнер” бүлгийг хамгийн их хохирол амссан гэж үзэж байгаа. Өнгөрсөн нэгдүгээр сард АНУ-ын холбогдох албанаас Оросын “Вагнер” бүлгийг 50 орчим цэрэгтэй гэж мэдэгдсэн. Украины албаныхан ОХУ, Украины дайнд 30 орчим “Вагнер”-ын цэрэг амиа алдаж, шархадсан гэж мэдээлээд байв. Олон улсын хэвлэлүүд Украины талаас ил болгосон уг мэдээллийг өнөөг хүртэл шалгах боломжгүй байсан ч “Вагнер” бүлгийг үүсгэн байгуулагч Евгений Пригожины мэдэгдлээр их хэмжээний хохирол амссаныг нь бататгаж байна.