ОХУ, Украины дайны асуудлыг Олон улсын эрүүгийн шүүхээр хэлэлцэж байгаа. Тэгвэл тус шүүхэд АНУ-ын Батлан хамгаалах яам буюу Пентагон ОХУ-тай холбоотой дайны гэмт хэргийн нотлох баримт болж болзошгүй мэдээллээ хуваалцахаас татгалзжээ. АНУ-ын Ерөнхийлөгч Жо Байдены засаг захиргаа болон Төрийн департамент Гаагт төвтэй Олон улсын эрүүгийн шүүхийг дэмжиж, хамтарч ажиллахаа мэдэгдээд байсан Пентагоны байр сууриас шалтгаалан ОХУ-ын дайны хэрэг гацаанд орсон байна.

                      Өнгөрсөн хоёрдугаар сарын 3-нд АНУ-ын Үндэсний аюулгүй байдлын зөвлөлөөс Пентагонтой холбоотой асуудлыг шийдвэрлэхээр дээд албан тушаалтнууд хуралдсан боловч Пентагоны Төрийн нарийн бичгийн дарга Ллойд Остин хариу өгөөгүйг “New York Times” сонин онцолжээ. АНУ-ын Ерөнхийлөгч Жо Байдены зүгээс тус асуудалд холбогдох шийдвэр хараахан гаргаагүй байгаа бөгөөд Пентагоны байр суурийг Бүгд найрамдах намын сенатор Линдси Грэхэм ч мөн буруушаасан байна. Одоогоор Пентагон хариу мэдэгдэл хийгээгүй байгаа аж.