Их Британийн Ерөнхий сайдын албан тушаалаа аваад сар орчим хугацаанд ажиллаад үүргээсээ чөлөөлөгдсөн Лиз Трассын "алдаа"-г засах амлалттай тус албан тушаалд томилогдсон Риши Сунак өнгөрсөн оны аравдугаар сард батлагдсан Нийтийн хэв журам хамгаалах тухай хуульд нэмэлт өөрчлөлт оруулах тухай мэдээлсэн. Тус хуульд оруулахаар төлөвлөж буй нэмэлт өөрчлөлт нь олон нийтийн үймээн, эсэргүүцлийн жагсаалыг таслан зогсоход цагдаа, цэргийн хүчинд илүү эрх мэдэл олгох тухай бөгөөд хуулийн нэмэлт өөрчлөлтийн талаар Ерөнхий сайд Риши Сунак "Бид цөөнхийн жагсаал, цуглаанаар иргэдийн амьдрал, амар тайван байдлыг алдагдуулж болохгүй. Энэ хуулийн нэмэлт өөрчлөлт хүлээн зөвшөөрөгдөхгүй байж болох ч бид үүнийг эцэс болгоно" гэж мэдэгдлээ. 

Их Британийн бүх нийтийн сонгууль Шотландыг "гацаа"-наас гаргаж чадах уу

Их Британи ирэх хоёр жилийн хугацаанд хоёр ч томоохон сонгууль зохион байгуулна. Эхнийх нь ирэх гуравдугаар сарын 19-нд болох бүх нийтийн сонгууль, хоёр дахь нь ирэх 2024 онд болох Их Британийн одоогийн эрх баригч Консерватив намын удирдлагуудыг сонгох чухал ач холбогдолтой сонгууль болно. Бүх нийтийн сонгууль эхэлж байгаа энэ үед Их Британийн намууд хэдийнэ кампанит ажлаа эхлүүлжээ. Гэсэн ч олон улсын улс төр шинжээчдийн үзэж байгаагаар ирэх гуравдугаар сард болох бүх нийтийн сонгуульд Шотландын үндэсний намаас ямар шийдвэр гаргаж, байр сууриа тодорхойлохоос дараа дараагийн Консерватив намын сонгууль, бүр 2026 онд болох Ариун сүнсний санал хураалтад ч нөлөөлөх боломжтой гэнэ. Тодруулбал, Шотландын үндэсний нам сонгуульд оролцогчдын 50-аас дээш хувийн санал авсан тохиолдолд Их Британийн Засгийн газартай тусгаар тогтнолын асуудлаар хэлэлцээ хийх мандах авах учиртай юм байна. Харин энэ нөхцөл байдлыг бүрдүүлэхийн тулд бүх нийтийн сонгуулиар Вестминстерийг сонговол "Шотланд тусгаар тогтносон улс байх ёстой юу" гэх асуултын хариуг өгч чадах тухай Их Британийн хэвлэлүүд мэдээлжээ.

Амины "үнэтэй" Европын жагсаал

Ираны Батлан хамгаалахын дэд сайдаар ажиллаж байсан Их Британи, Ираны харьяалалтай Алиреза Акбариг тус улсын шүүхийн шийдвэрээр цаазалсан. Алиреза Акбариг Ираны шүүх гаднын орны төлөө мэдээлэл цуглуулж, тагнуул хийж байсан хэрэг буруутгасан. Иран Улсын уг үйлдлийг олон улсын Засгийн газар эрс шүүмжилж тайлбар мэдээлэл өгөхийг шаардсан тус шаардлагад хариу өгөлгүй тус улсад дэгдсэн эсэргүүцлийн жагсаалтай холбогдуулан дахин дөрвөн хүнийг цаазаар авчээ.

                                   Иранд өрнөсөн үйл явдалтай зэрэгцэн Израилийн 80 мянга гаруй иргэн тус улсын Засгийн газрын шүүх засаглалыг шинэчлэх хуулийн төслийг эсэргүүцэн жагсаал зохион байгуулсан. Хуулийн төслийг цуцалж, хүний эрхийг хүндлэх шаардлага тавьсан жагсаалд цагдаа, цэргийн хүчин орж, жагсаалыг тараах ажиллагааны үеэр хэд хэдэн хүн амиа алдсаны дотор 14 настай палестин хүү байжээ. Мөн Германы баруун хэсэгт нүүрсний уурхайн өргөтгөлийн ажил хийхийг эсэргүүцэж 30 мянга гаруй хүн жагсаал зохион байгуулсан. Эсэргүүцлийн жагсаал хүнд хэлбэрт шилжихэд цагдаа нар хашлага, усан буу ашигласан бөгөөд албаны хүний мэдэгдсэнээр зарим жагсагч хамгаалалтын хашлагыг давж, өргөтгөл хийхээр төлөвлөсөн Гарцвейлерийн уурхайд нэвтэрсэн гэнэ. Тус эсэргүүцлийн жагсаал Лютцератын ойролцоох Кейенберг тосгон үргэлжилж байна.

-Ерөнхийлөгч Жо Байден АНУ-ын нууцад хамаарах баримт хадгалж байсан эсэхийг шалгах тусгай зөвлөл байгуулав-

АНУ-ын Ерөнхийлөгч Жо Байден тус улсын дэд ерөнхийлөгчөөр ажиллаж байхдаа өөрийн албан өрөөнд Иран, Украин Улстай холбоотой төрийн маш нууц мэдээлэл хадгалж байсан нь илэрч хуулийн байгууллагад шалгагдаж байсан. Тухайн үед гаднын оронтой холбоотой төрийн нууц мэдээлэл албан өрөөндөө хадгалж байсан талаараа Жо Байден "Би үүнийг мэдэхгүй. Миний өрөөнд байсныг нь ч мэдэхгүй" хэмээн мэдэгдэж байв. Тэгвэл өнгөрсөн амралтын өдөр дээр дурдсан хэрэгтэй холбоотойгоор АНУ-ын Хууль зүйн яам Ерөнхийлөгч Жо Байденыг шалгах тусгай зөвлөл байгуулжээ. Ерөнхийлөгч Жо Байденыг дэд ерөнхийлөгч байхдаа гаднын оронтой холбоотой төрийн нууц мэдээлэл албан өрөөндөө хадгалж байсан, одоогоор гэртээ АНУ-ын нууцад хамаарах баримт, материал хадгалж байж болзошгүй хэмээн сэжиглэж хэргийн шалгалтын ажиллагааг дахин эхлүүлсэн байна.