• Өнөөдөр 2024-03-29

Риши Сунак Их Британийн Ерөнхий сайд болно

2022-10-25,   507

                       Их Британийн Ерөнхий сайд асан Лиз Трасс огцосны дараа тус улсын Засгийн газрын тэргүүнийг сонгох өрсөлдөөн олон улсын анхаарлын төвд ороод байлаа. Лиз Трасс огцрохоо зарласны дараа Их Британийн Ерөнхий сайдын өрсөлдөөнд гурван хүн яригдаж байв. Тухайлбал, Британийн Консерватив намын Риши Сунак, Пенни Мордаунт, Ерөнхий сайд агсан Борис Жонсон нар. Харин Борис Жонсон “Дахин Ерөнхий сайдын албан тушаалд очихгүй” тухайгаа мэдэгдсэнээс хойш өрсөлдөөн Риши Сунак, Пенни Мордаунт нарын дунд голчлон өрнөжээ.

Тэгвэл өнгөрсөн шөнө Их Британийн парламент болон Консерватив намын удирдах зөвлөл хуралдаж, Риши Сунакыг Их Британийн Ерөнхий сайдаар батламжилсан байна. Харин Пенни Мордаунт парламентын гишүүдээс хангалттай санал аваагүй гэх шалтгаанаар ялагдал хүлээсэн аж.

                       Өдгөө 42 настай Риши Сунак нь хинду шашинтай. Мөн Их Британийн сүүлийн 200 гаруй жилийн түүхэн дэх хамгийн залуу, анхны Англи-Ази гаралтай Ерөнхий сайд болно. Тэрбээр ирэх мягмар гарагт III Чарльз хаантай албан ёсоор уулзаж, Ерөнхий сайдын албан тушаалаа хүлээн авах төлөвтэй байгаа юм.

 

Эх сурвалж: BBC


Риши Сунак Их Британийн Ерөнхий сайд болно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188