Хятадын Коммунист Намын 20 дугаар их хурал өчигдөр нийслэл Бээжин хот дахь Ардын их хурлын танхимд эхэлсэн. Тус их хурлаар БНХАУ-ын дарга Ши Жиньпинийг огцруулах, шинэчлэгч Дэн Сяопины баталсан ХКН-ын дарга хоёр удаа сонгогдох тухай Үндсэн хуулийн заалтыг зөрчиж, Ши Жиньпинийг гурав дахь удаагаа даргаар сонгох тухай хэлэлцэж байгаагаараа онцлог болж байна.

ХКН-ын 19 дүгээр их хурлын Төв хорооны нэрийн өмнөөс БНХАУ-ын дарга, ХКН-ын Төв хорооны Ерөнхий нарийн бичгийн дарга Ши Жиньпин энэ удаагийн 20 дугаар их хурлыг нээж, илтгэл тавьжээ. Хоёр цаг гаруй хугацаанд үргэлжилсэн нээлтийн илтгэлдээ Ши Жиньпин “БНХАУ хүч хэрэглэхээс хэзээд татгалзана гэж амлахгүй” гэсэн нь олон улсын хэвлэлүүдийн анхаарлыг татаад байгаа аж.

                           Мөн ХКН-ын их хурал эхлэхэд намын Төв хорооноос “ковид тэг” бодлогын стратегийг бууруулахгүй байх үүрэг өгөөд байв. Гэсэн ч намын нээлтийн хурлын өмнө БНХАУ-ын дарга Ши Жиньпин коронавирусээс урьдчилан сэргийлэх бодлогоо хоёр дахин сулруулах үүрэг өгсөн талаар олон улсын хэвлэлүүд мэдээлжээ.