• Өнөөдөр 2024-03-29

Шинзо Абэгийн оршуулгад 11.4 сая ам.доллар зарцуулж, төрийн оршуулга болгосныг 10 мянга гаруй хүн эсэргүүцэн жагсжээ

2022-09-26,   424

Япон Улсын Ерөнхий сайд агсан Шинзо Абэг оршуулах ёслол тун удахгүй болно. Улсдаа төдийгүй олон улсад нэртэй байсан Шинзо Абэг оршуулах ёслолд оролцохоор Британийн хатан хаан II Элизабетыг оршуулах ёслолд оролцсон олонх хүндэт зочин Японыг зорьж байгаа гэнэ. Харин дэлхий Шинзо Абэг оршуулах ёслолыг хүндэтгэлтэй хүлээж авч байхад япончууд дургүйлхэж, эсэргүүцлийн жагсаал зохион байгуулаад байна.

 

                                  Ерөнхий сайд агсан Шинзо Абэг оршуулах ёслолд нийт 11.4 сая ам.доллар төлөвлөжээ. Энэ хэмжээний хөрөнгөөр төрийн оршуулах ёслол хийдэг бөгөөд Япон Улсын түүхэнд дэлхийн II дайнаас хойш ердөө ганцхан удаа төрийн оршуулга хийсэн нь эзэн хааны гэр бүлийн гишүүнийг сүүлчийн замд нь үдсэн аж. Улмаар япончууд төрийн оршуулах ёслолоор Шинзо Абэг сүүлчийн замд нь үдэхийг эсэргүүцэж, Япон даяар 10 мянга гаруй хүн жагсжээ.

 

Ташрамд дурдахад, Шинзо Абэг оршуулах ёслолд оролцохоор АНУ-ын дэд ерөнхийлөгч Камала Харрис, Сингапурын Ерөнхий сайд Ли Хсиен Лун, Австралийн Ерөнхий сайд Энтони Албанес, Энэтхэгийн Ерөнхий сайд Нарендра Моди нар Токиог зорьсон гэнэ.

 

 


Шинзо Абэгийн оршуулгад 11.4 сая ам.доллар зарцуулж, төрийн оршуулга болгосныг 10 мянга гаруй хүн эсэргүүцэн жагсжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188