Исламын Бүгд Найрамдах Пакистан Улсын Ерөнхий сайд асан Имран Ханыг хуулийн байгууллагаас шалгаж эхэлжээ. Тодруулбал, Ерөнхий сайд асан Имран Хан өнгөрсөн амралтын өдөр иргэдтэй уулзаж, илтгэл тавих үеэрээ шүүх, цагдаагийн байгууллагыг доромжилж, заналхийлсэн утгатай үг хэлсэн гэнэ.

                            Имран Хан Ерөнхий сайдын албан тушаалаа өгснөөс хойш шинэ Засгийн газар болон Пакистаны армийг эрс шүүмжилж байгааг олон улсын хэвлэлүүд онцолж байна. Харин энэ удаад Ерөнхий сайд асан Имран Хан Исламабадын цагдаагийн дарга болон нэр бүхий эмэгтэй шүүгчийг бусдад зүй бусаар харьцсаныг дурдаж, доромжилсон утгатай үг хэлсэн аж.