Япон Улсын засгийн эрхийг хамгийн олон жил барьсан Ерөнхий сайд асан Шинзо Абэ хүзүү, цээжин тус газраа хоёр удаа буудуулж, биеийн байдал нь маш хүнд байна.  Түүнийг тус улсын нийслэл Токио хотын Канагава дүүргийн Ёкохама өртөөнд болсон арга хэмжээнд оролцож байх үеэр нь 41 настай Ямагами Тэцүяа гэгч этгээд хүзүү, цээжин тус газар нь гурван метрийн зайнаас буудсан гэнэ. Одоогийн байдлаар албаны эх сурвалжаас Ерөнхий сайд асан Шинзо Абэгийн биеийн байдлын талаар мэдээлээгүй байна. Харин албан бус эх сурвалжууд “Шинзо Абэгийн зүрх нь зогссон байдалтай байгаа” талаар мэдээлсэн юм.

Шинзо Абэ бол 2006-2007, 2012-2014, 2014-2017 онд засгийн эрхэнд байсан буюу Японы түүхэн дэх хамгийн олон жил албан тушаалаа хашсан Ерөнхий сайд. Тэрбээр 1954 оны есдүгээр сарын 21 улстөрч Шинтаро Абэгийн хүү болон мэндэлжээ. Түүний аав Шинтаро Абэ нь 1980-аад онд Японы Гадаад хэргийн сайдаар ажиллаж байсан бөгөөд тухайн үедээ Ерөнхий сайдаар сонгогдох магадлалтай гэж яригддаг байсан ч, зуурдаар нас барсан байдаг. Харин аавыг нь өөд болсноос хойш Шинзо Абэг улстөрд бэлтгэж эхэлсэн буюу аавынх нь ажлыг үргэлжлүүлж, Ерөнхий сайд болгохоор бэлтгэж байсан гэдэг.

-ГЭР БҮЛИЙН БАЙДАЛ-

67 настай Шинзо Абэ “Фэйсбүүк”-ийн идэвхтэй хэрэглэгч. Түүнийг хэд хэдэн хэлээр “ус цас” ярьж чаддагийг “Фэйсбүүк”-ийнх нь хагас сая гаруй хэрэглэгч батлах гэнэ. Шинзо Абэ чадварлаг улстөрчөөс гадна авьяаслаг гольфчин гэдэг.

                     Шинзо Абэ улсдаа л томоохон бизнесмений нэг тооцогддог хүний охин Аки Мацузакитай гэр бүл болсон. Гэсэн ч хосууд өнөөг хүртэл хүүхэдтэй болоогүй юм.

-УЛСТӨРИЙН ҮЗЭЛ-

Японы түүхэнд хамгийн нэртэйд тооцогддог Ерөнхий сайд асан Шинзо Абэ улс дотооддоо улстөр, эдийн засаг онцгой нэг гэж үнэлэгддэг. Шинзо Абэгийн Засгийн газрын удирдаж байсан онуудад улстөр, эдийн засаг дахь эмэгтэйчүүдийн оролцоо нэмэгдэж, эдийн засгийн сэргэлтийн шинэ стратегид шилжиж байжээ.

                     Улстөрийн үзлийн хувьд Шинзо Абэ нь барууны орнуууд, тэр дундаа АНУ-тай хамтарсан батлах хамгаалахын чиглэлийг баримталдаг байв. Харин Хойд Солонгосын талыг эрс эсэргүүцдэг аж. Түүний Засгийн газрын удирдагч байхад Японы зэвсэгт хүчин довтолгооны арми тай болж, Шинзо Абэгийн удирдлага дор байх төсөл батлагдаж байсан юм.

-ШИНЗО АБЭ МОНГОЛД-

Япон Улсын Ерөнхий сайд асан Шинзо Абэ албан тушаалаараа ажиллаж байх үедээ Монгол Улстай маш олон асуудал хамтран ажиллаж, тусламж, дэмжлэг үзүүлж байжээ. Жишээ дурдвал,

• Хөдөө, аж ахуйн салбар, мах боловсруулах байгууламж, сүүн бүтээгдэхүүн үйлдвэрлэх байгууламж, үр тариа хадгалах байгууламж, хүнсний тусламж, хөдөө, аж ахуйн тоног төхөөрөмж нийлүүлж байсан,
• 1977 онд “Говь” үйлдвэрийг барьсан ажилчдыг бэлтгэж өгөв,
• Нийслэлийн 59 дүгээр сургуулийн байрыг барьж, улсын хэмжээнд 729 шинэ анги, танхим байгуулж өгч байв,
• Монгол-Японы сургалтын эмнэлэг байгуулахад хамтран ажилласан,
• 1990 оноос хойш Монгол Улсын аймаг бүрд сургууль, эмнэлгийн барилгыг засварлах, өргөтгөх, шинээр барих зэрэг нийт 582 төслийг хэрэгжүүлсэн,
• Ерөнхий сайдаар ажиллаж байх хугацаандаа Монгол Улсад иенийн хөнгөлөлттэй зээл олгож байв.