Их Британийн армийн дээд генерал Патрик Сандерс өнгөрсөн долоо хоногт армийн ерөнхий командлалыг хүлээж авсан. Тэрбээр ерөнхий командлалыг авсныхаа дараагаар "Путины армитай тулалдаж, ялахад бэлтгэ"-хийг зэвсэгт хүчний алба хаагчдад анхааруулжээ. Эх сурвалжуудын мэдэгдэж байгаагаар ОХУ-Украины асуудал болон Их Британийн армийн командлагчийн мэдэгдлийг дэлхийн III дайны эхлэл байж болзошгүй гэж үзээд байгаа аж.

Патрик Сандерс өнгөрсөн даваа гарагт шинэ ажлаа хүлээж авсан бөгөөд ажлаа хүлээж авснаас хойших дөрөв дэх өдрөө Оросыг ялах арми байгуулахаа тангарагласан байна. Тэрбээр “Оросын түрэмгийллээс хойш дэлхий тэр аяараа өөрчлөгдсөн. Одоо холбоотнуудтай мөр зэрэгцэн тулалдаж, дайнд ялах чадварлаг арми байгуулах зайлшгүй шаардлагатай байна” гэжээ.

               Путин НАТО-гийн орнуудыг заналхийлж, Европ дахь хуучин зөвлөлтийн орнуудыг “Түүхэн Оросын нэг хэсэг” гэж хэлсэн.  Казахстаны Ерөнхийлөгч Касым Жомарт Токаев өчигдөр Санкт-Петербург хотод болсон эдийн засгийн форум дээр Донецк, Луганскийг хүлээн зөвшөөрөхгүй гэдгээ зарласан эрс мэдэгдлийн хариуд Путин ийм тайлбар хийсэн байна. Түүний энэ мэдэгдлийн хариуд Путин Казахстаныг Орост ээлтэй улс гэж боддог байсан боловч “Украинтай ижил зүйл тохиолдож болох л байсан” гэж онцолжээ.

Гадаад бодлогын судалгааны хүрээлэнгийн ажилтан Максимилиан Хесс энэ тухай “The Telegraph” сонинд мэдээлэхдээ "Путины үйлдэл илэрхий заналхийлэл байсан" гэв.

ЭХ СУРВАЛЖ: DAILY MAIL