Сомали Улсын Ерөнхийлөгчийн сонгууль өнгөрсөн өдрүүдэд болж өндөрлөв. Цар тахлын үеийн аюулгүй байдлын журмын дагуу жил гаруй хугацаанд хойшлуулаад байсан Ерөнхийлөгчийн сонгуулийг тус улсын Сонгуулийн хорооноос гаргасан“Сонгуулийг өргөн хүрээнд явуулахгүй” шийдвэрийн дагуу ээлжит сонгуульд парламентын 327 гишүүн санал өгсөн бөгөөд нэг гишүүн санал өгөөгүй аж.

Ерөнхийлөгчийн сонгуульд санал өгсөн 327 парламентын гишүүний гурав нь саналын хуудсаа бохирдуулж, нийт 324 гишүүний саналыг тооцсон байна. Улмаар 2017 оноос хойш өнөөг хүртэл Сомалийн Ерөнхийлөгчийн албан тушаалыг хашиж байгаа Мохамед Абудаллахи Фармажо 110 санал авсан бол, 2012-2017 онд тус улсын төрийн эрхийг барьж байсан Хассан Шейх Мохамуд 214 санал авч, дахин Холбооны Бүгд Найрамдах Сомали Улсын Ерөнхийлөгчөөр сонгогджээ.

               НҮБ-ын мэдэгдсэнээр Сомалийн 3.5 сая гаруй хүн ам өлсгөлөнд нэрвэгдэж байгаа бөгөөд дундаж орлоготой болон түүнээс дээш орлоготой өрхүүд Зүүн Европт болж байгаа дайнтай холбоотойгоор үнийн хөөрөгдөл, бараа, бүтээгдэхүүний хомстол өртөж байгаа энэ үед Ерөнхийлөгчөөр Хассан Шейх Мохамудын “үүрэх” ачаа их байхыг олон улсын тоймчид хэлж байна. Түүнчлэн эдийн засгийн нөхцөл байдлаас гадна Африкийн орнуудын ихэнх хэсэгт дарангуйллаа тогтоож байгаа Исламын Аль-Каида, Аль-Шабаб зэвсэгт бүлэглэлийн халдлагаас сэрэмжлэх хэрэгтэй байгаа аж.