Шри Ланка Улс эдийн засгийн хямралд өртөж, дотоодод шатахууны үнэ өсөж, эрчим хүчний хомстол нүүрлэн хэдэн цагийн турш тог тасарч, бараа, бүтээгдэхүүний хомстлын улмаас нэн шаардлагатай эм, тариа, эмнэлгийн хэрэгсэлгүй болсон талаар бид өмнө нь мэдээлсэн.

Үнийн өсөлт, бараа, бүтээгдэхүүний хомстлыг эсэргүүцсэн иргэд нийслэл Шри-Жаяварденепура-Котте хотод жагсаал зохион байгуулсан. Улмаар Ерөнхийлөгч Готабая Ражапаксаг огцрохыг шаардсан эсэргүүцлийн жагсаал Шри Ланка даяар өрнөсөн байна.

                    Тэгвэл өчигдөр Ерөнхийлөгч Готабая Ражапаксагийн эвслийн Засгийн газар, парламентын 40 гаруй гишүүн огцорчээ. Олон улсын улстөр судлаачид “Парламентын олон гишүүн нэг дор огцорсон нь ямар үр дүнд хүргэхийг мэдэхгүй” гэж мэдэгдэж байна.