“ӨМНӨД СОЛОНГОСЫН АРД ТҮМНИЙ ХУВЬД АГУУ ЯЛАЛТ БОЛСОН”

БНСУ-ын Ерөнхийлөгчийн сонгууль өнгөрсөн лхагва гарагт болж, сөрөг хүчнээс нэр дэвшсэн Юн Сук Ёол үнэмлэхүй ялалт байгуулсан. Сонгуулийн дүнгээр БНСУ-ын нийт сонгуулийн насны иргэдийн 77 хувь нь Юн Сук Ёолд саналаа өгсөн юм. Ерөнхийлөгчийн сонгуулийн үр дүнгийн талаар Юн Сук Ёол “Өмнөд Солонгосын ард түмний хувьд агуу ялалт болсон” гэжээ.

-БНСУ-ЫН ШИНЭ ТӨРИЙН ТЭРГҮҮН АРД ТҮМЭНДЭЭ ЯМАР АМЛАЛТ ӨГСӨН БЭ-

Ээлжит БНСУ-ын Ерөнхийлөгчийн сонгуульд санал өгсөн иргэдэд хамгийн түрүүнд тулгамдаж байсан асуудал нь орон сууцны үнийн өсөлт, эдийн засгийн зогсонги байдал, ажилгүйдэл, хүйсийн тэгш бус байдал байв. БНСУ-ын Жендерийн эрх тэгш байдал, гэр бүлийн яам нь голлон гэр бүлд суурилсан үйлчилгээ, боловсрол, нийгмийн халамжид зориулсан үйл ажиллагаа явуулдаг. Харин эмэгтэйчүүдийн эрх тэгш байдлыг хангахад улсын төсвийн 0.2 хувь, Жендерийн эрх тэгш байдал, гэр бүлийн яаманд ногдсон төсвийн хөрөнгөний гурав хүрэхгүй хувийг зориулдаг гэнэ.

           Тэгвэл Ерөнхийлөгчийн сонгуульд сөрөг хүчнээс нэр дэвшсэн Юн Сун Ёол ажилгүйдлийн эсрэг тэмцэхийн тулд сонгуулийн кампанит ажилдаа залуусыг идэвхтэй оролцуулахаас гадна Жендерийн эрх тэгш байдал, гэр бүлийн яамыг татах буулгахг кампанит ажлынхаа гол амлалт болгосон байна. БНСУ-ын Ерөнхийлөгчийн сонгуульд 77 хувийн саналаар ялалт байгуулсан Юн Сук Ёол сонгуулийн дараа “Ард түмний амьжиргаанд анхаарал хандуулж, тусламж хэрэгтэй хүнд нь тусалж, олон улсын хамгийн нийгэмлэгийн хариуцлагатай, бахархалтай гишүүн байхын тулд бүх хүчин чармайлтаа гаргах болно” гэжээ.

Мөн БНСУ-ын шинэ Ерөнхийлөгч Юн Сук Ёол нь гадаад бодлогын хүрээнд АНУ-тай илүү ойр дотно харилцаатай болж, БНХАУ, Хойд Солонгостой харьцах дипломат харилцаагаа шинэчлэх амлалт ард түмэндээ өгсөн байна. Сонгуулийн дараа Цагаан ордноос Жо Байден шинэ төрийн тэргүүнээр сонгогдсон Юн Сук Ёол баяр хүргэж, хоёр орны харилцааг улам бэхжүүлэхээ “тэсэн ядан” хүлээж байгаа мэдэгдсэн гэнэ.

-ЮН СУК ЁОЛ ГЭЖ ХЭН БЭ-

БНСУ-ын Ерөнхийлөгчөөр сонгогдсон Юн Сук Ёол нь 1960 оны арван хоёрдугаар сарын 18-нд Сөүл хотод төржээ. Түүний аав Юн Ги Жун нь багш мэргэжилтэй бөгөөд Солонгосын Статистикийн нийгэмлэгийг байгуулж, БНСУ-ын Үндэсний шинжлэх ухааны академийн гишүүнээр ажиллаж байсан байна.

           Юн Сук Ёол нь Чонгам ахлах сургуульд сурч, Сөүлийн их сургуульд хуулийн чиглэлээр суралцаж, хуульч мэргэжилтэй болжээ. Тэрбээр БНСУ-ын Ерөнхийлөгч асан Мүн Жэ Иний үед буюу 2019-2021 онд БНСУ-ын Ерөнхий прокуророор ажиллаж байсан бөгөөд Ерөнхийлөгч асан Пак Гын Хэг яллахад гол үүрэг гүйцэтгэсэн гэгддэг байна. БНСУ-ын шинэ төрийн тэргүүн Юн Сук Ёолын нийт хөрөнгийн хэмжээг 4-8 сая ам.доллар гэж тооцдог бөгөөд хөрөнгийнх тухай нарийн мэдээлэл байдаггүй аж.