Зүүн Европын мөргөлдөөнтэй холбоотойгоор ОХУ, Украины тал өчигдөр хоёр дахь уулзалтаа хийсэн. ОХУ, Украины талын хоёр дахь уулзалтаар нэг шийдвэр гарсан нь тулааны талбараас энгийн иргэдийг нүүлгэн шилжүүлэхэд зориулсан хүмүүнлэгийн коридор байгуулахаар болсон байна.

Эхний хэлэлцээ үр дүнд хүрэлгүй дууссантай адил хоёр дахь уулзалт ч үр дүнд хүрээгүй талаар хоёр тал мэдэгджээ. Украины талаас ОХУ-ын төлөөлөгчдөд гурав дахь уулзалтыг ойрын хугацаанд зохион байгуулах санал гаргаад байгаа юм.